Tushimpi 14:14 - Baibo Busansulushi Bwa Libuku Ili

¹⁴ Mucita shibi ulaakulambulwa kweelana amilimo yakwe, alakwe muntu ululeme ulaakulambulwa kweelana amilimo yakwe ibotu.

Tushimpi 14:14 Referans Kwoze

Bene Galatiya 6:8

Na muntu washanga sha buumi bwa buntu, ulaakutebula lufu lutamaani. Ono na washanga shisuni Mushimu Usalashi, ulaakutebula buumi butamaani.

Tushimpi 12:14

Shiswa pamulomo wa muntu nsheshimuletela shintu shibotu bweenka mbuli milimo yakwe mboimulambula.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

Jelemiya 8:5

Ceebonshi mwebo nobantu bangu mulamfutatila? Ceebonshi mwebo nobene Jelusalemu mulamfutatila lyoonse? Mulakakatila kushintu shabubeshi akukaka kupilukila kuli ndime.

Bene Galatiya 6:4

Muntu woonse ulyeelete kubona milimo yakwe mbuli mbweebete. Na ili kabotu, inga walisumpula ceebo ca njiyo, cakuteelanya aya umwi muntu.

Joni 4:14

Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Jelemiya 17:5

Mwaami Lesa utokwaamba ayi, “Ulishingenwe uyo ucinka manungo mumuntunyina, ee, uyo ushoma mumuntubo ayi inga wamucafwa ncakwiila uyo ufutatila Mwaami Lesa.

Tushimpi 14:10

Taaku umwi weenga wanyumfwa buumba buli mumoyo wa mubye nabi weenga wanyumfwa kusangalala kwakwe.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Esekelo 22:31

Paceebo ceeco ndaakubatila bukali bwangu buyoosha akubanyonyoola kuceeselela ca bukali bwangu ceebo ca sheesho nshebakacita beene beenka. Nebo neMwaami Lesa Shinkusu shoonse ndaamba.’ ”

Kulumbaisha 109:17

Wakalinga mukondwa mashingo, ono alakwe ashinganwe. Taakalinga kusuni kupa coolwe, ono alakwe acimweendele palaamfu.

Tushimpi 9:12

Na webo uli musongo, ndushinisho busongo bwako bulaakukulambula. Ono na kooli shikucelebula, webo omwiine ndiwe weshi ukapengeleemo.”

Tushimpi 12:21

Taakuuwo makatasho apolela muntu ululeme, sombi bamucita shibi balatambula mapensho lyoonsebo.

Tushimpi 14:15

Muluya ulashoma shoonse nsheenga wanyumfwa, sombi muntu ucenjete ulataanguna kuyeeya ncaaelete kucita.

Tushimpi 18:20

Maswi aswa mumulomo wa muntu, ngweeshi kuca kwa nshiku shakwe shili kunembo. Ncakwiila nshaabona shilaswa mukwaamba kwa mulomo wakwe mwiine.