Tushimpi 13:3 - Baibo Busansulushi Bwa Libuku Ili

³ Muntu uliciba pakwaamba ulafuna buumi bwakwe, sombi uyo ukuweelabo ulalicisa mwiine.

Tushimpi 13:3 Referans Kwoze

Tushimpi 21:23

Uyo ulama mulomo amulaka wakwe ulalitabilila kumapensho.

Tushimpi 18:21

Nshewaamba shilakonsha kukupa buumi nabi kukucaisha, ee, muntu ulyeelete kutambula shisepo sha maswi ngwaamba.

Tushimpi 18:7

Muluya ulalinyonyoosha kumulomo wakwe mwiine. Ncakwiila maswi akwe ali anga nkoose kuli nguwe.

Kulumbaisha 39:1

Ndakaamba ayi, “Ndanoolilama akukasha mulomo wangu kubisha. Ndaakucala mulomo wangu ciindi coonse, kulilabo bamucita shibi kabacili anebo.”

Tushimpi 10:19

Apo paambwa maswi aanji tapabulilili kubisha, sombi uyo uumuna ngumusongo.

Tushimpi 20:19

Mufuyishi taakoonshi kukalika makani abushishi, aboobo amutalamuke muntu shikubwekabweka.

Jemusi 1:26

Na kuli muntu uyeeya ayi ulapaila Lesa, ono kaalilwa kulicata mukwaamba, ingayi kupaila kwakwe taaku mbokubete alimwi utoolibecabo mwiine.

Tushimpi 12:13

Mucita shibi ulalicatisha mukoose ka maswi akwe abiibi, sombi muntu ushomeka ulalikusha mumakatasho.

Kulumbaisha 34:13

ulyeelete kucileka kwaamba shibiibi alimwi mulomo wakwe teshi ukaambe shabubeshi.

Kulumbaisha 141:3

NoBaami baLesa, amubike shikulindilila pamulyango wa mulomo wangu. Ncakwiila mutansuminishi kwaamba maswi abiibi.

Tushimpi 10:14

Bantu basongo balasunga lushibo loonse ndobakonsha kucana, sombi na baluya baamba, ingayi kunyonyooka kulibo pafwaafwi.

Tushimpi 13:4

Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.

Boomboloshi 16:11

Samusoni wakamukumbula ayi, “Na ndaangwa ntambo shipya shitana kusebensaawo, inga ndabula nkusu akubabo bweenka mbuli bantu bamwi boonse.”

Boomboloshi 16:17

Aboobo Samusoni wakamuyubulwita makani oonse ayi, “Nshina kuceswawo kale misusu ceebo ndakabengwa kuli Lesa ayi mbe muNasili kuswa kukushalwa kwangu. Ono bushiku ndaakuceswa, nkusu shangu shilaakunshiya, lyalo ndaakuba mbuli bantu bamwi boonse.”

Tushimpi 10:8

Moyo wa musongo ulanyumfwila milawo, sombi uyo waamba shabuluya, ulaakunyonyoolwa.

Tushimpi 14:3

Mubandi wa muluya alamulengesha kukwiipwa musako kumusana, sombi maswi a muntu ululeme ulamutabilila.