Tushimpi 13:16 - Baibo Busansulushi Bwa Libuku Ili

¹⁶ Muntu ucenjete ulataanguna kuyeeya katana kucita cintu cili coonse, sombi baluya balaambabo caambaambe.

Tushimpi 13:16 Referans Kwoze

Tushimpi 15:2

Musongo ulaamba shipa lushibo, sombi muluya ulaambabo shintu shitacite ncito.

Bene Efeso 5:17

Paceebo ceeco mutabi anga mbantu baluya, sombi amweeleshe kwishiba sheesho Mwaami Lesa nshaasuni ayi mucite.

Isaya 52:13

Mwaami Lesa waamba ayi, “Amubone, musebenshi wangu ulaakuswitilila mumulimo wakwe. Ulaakusumpulwa, kubikwa peculu alimwi akulumbaishikwa.

Shikushimikila 10:3

Kweenda kwa muluya kulabonesha ayi taacite maano. Ncakwiila ulatondesha bantu buluya mbwaacite.

Bene Loma 16:19

Bantu boonse bakanyumfwa mpuwo yanu yakushoma Makani Abotu. Paceebo ceeco ndikondetwe ceebo ca ndimwe, sombi ndisuni kwaamba ayi mube basongo kwiinda mukushiba shibotu, mutafulunganishikwi abubi.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Tushimpi 21:24

Muntu shikulisumpula alimwi ulyuuma mucaamba wiitwa ayi, “Shikucelebula,” ngumuntu ucita shintu shakulisumpula lyoonsebo.

Kulumbaisha 112:5

Shibotu shilaya kumubotu moyo ukongwesha cakutalangila mpindu. Ee, shilaya kumuntu uyo weensha milimo yakwe cabululami.

1 Samwelo 25:25

Nobaami bangu mutabikili mfundilishi ibaangu ulya mubiibi moyo mukwiinga bweenka bubete liina lyakwe alakwe mbwaabete, ee liina lyakwe nguNabali, lisansulula ayi muluya! Nebo nshindakalingaawo basebenshi banu ndibakashika.

1 Samwelo 25:17

Bulya ndaamba ayi mwishibe cikani ico akwaamba ayi muyeeye mbomweelete kucita, mukwiinga pamwaami wesu abamuŋanda yakwe boonse inga pacitika cilensha boowa. Cibiibi ncakwaamba ayi mwaami wesu ngushicimpamya alimwi taalwiitikwa.”

Tushimpi 18:2

Muluya taalisukamiwo nabi wabula kunyumfwisha shintu, sombi ulasangalalilabo mukwaamba sheesho nshaashi lakwe.

Tushimpi 14:33

Busongo buli mumuntu uyo ucite maano akunyumfwisha shintu. Sombi baluya tababuciteewo napaceyi.

Shikushimikila 10:13

Maswi ngaataanguna kwaamba ngabuluya, sombi nkwaaya mukweela alababo abushincinko.