Tushimpi 13:13 - Baibo Busansulushi Bwa Libuku Ili

¹³ Uyo usuula milasho ulaliletelela mwiine, sombi uyo ubikila maano kumulawo ulalambulwa.

Tushimpi 13:13 Referans Kwoze

Shakubelenga 15:31

mukwiinga wakaka sheesho nshendakaamba nebo neMwaami Lesa, alimwi wasotoka kashanga milawo yangu. Nkokwaamba ayi mulandu wa cibiibi cakwe wamucalila mwiine.”

2 Joni 1:8

Amucenjele kwaamba ayi mutasowi ceeco ncemwakasebensela, sombi mukatambule cilambu canu coonse.

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Kulumbaisha 119:165

Bantu abo basuni milawo yanu balicite luumuno lunene alimwi taaku ico ceenga cabawisha.

Esekelo 20:13

“ ‘Nakubi boobo bene Isilaeli bakangashukila muluyanga. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Kulumbaisha 19:11

Kulancenjesha nemusebenshi wanu. Ndatambula cilambu cinene kwiinda mukukukonkela.

Esekelo 20:16

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu mukwiinga bakabika myoyo yabo kushibumbwabumbwa shabo.

Esekelo 20:24

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu akubika maano kushibumbwabumbwa isho bamashali babo bakulukulu nshebakalinga kulambila.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Tushimpi 13:21

Mapensho alakonkela bamucita shibi ciindi coonse, sombi kuswitilila ncilambu cipekwa baluleme.

Tushimpi 1:25

Mwakasuula shoonse nshendakamufunda akukaka kunyumfwa kukalooka kwangu.

Kulumbaisha 115:13

Ulaakupa coolwe bantu abo bamulemeka, balemekwa abatalemekwi boonse ulaakubapa coolwe.

Luka 16:31

Abulaamu wakamwaambila ayi, ‘Na tabanyumfwili Mose abalaluki bakulukulu, teshi bakanyumfwe nabi umwi wabuka kuswa kubafu.’ ”

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Mateyo 5:12

Amusangalale akukondwa mukwiinga cilambu canu ncinene kwiculu. Mbweeke ubo bantu mbobakapensha balaluki bakalingaako kale kale.

Jelemiya 43:2

Lyalo Asaliya mwanaakwe Oshaya aJoanani mwanaakwe Kaleya abasankwa beshikulisumpula boonse bakaŋambila ayi “Mutoobecabo mwebo! Mwaami Lesa, Lesa wesu taakwe kumutumaawo kwisa mukwaamba ayi, ‘Tutakayi mukwikala mucishi ca Ijipiti.’

Esila 10:3

Anu atupange cipangano aLesa kwaamba ayi tutandaanye banakashi boonse abo pantu pomwi abana babo kweelana akuyanda kwanu a kwa baabo bamwi balemeka Milawo yakwe Lesa. Tutoocita kweelana aMilawo yakwe Lesa.

Kulonga 9:20

Mpeeke bacinenenene bamwi ba mwaami Falawo bakaloonda ceebo ca maswi ayo akaamba Mwaami Lesa. Aboobo bakaleta akwinjisha basha babo alimwi ashifubwa shabo mumaanda.

Tushimpi 13:12

Cilacisisha moyo na koolangila kapongo kafwite, sombi ncewalinga kulangila cacitika, kulangila kwako kulaba anga ncisamu cipa buumi.

Tushimpi 19:16

Uyo ukonkela milawo yakwe Lesa ulalama buumi bwakwe. Sombi uyo ufutatila nshila shakwe isho, ulafwa.

Kulumbaisha 19:12

Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

Tushimpi 16:20

Uyo woonse ukonkela milasho ulaakuswitilila. Ulicite coolwe uyo ucinka manungo muMwaami Lesa.