28 Bululami ninshila itola kubuumi, sombi bubi ninshila itola kulufu.
Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.
Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.
Muntu uyo utolelela kucita shiluleme ulaba abuumi, sombi utolelela kucita shibiibi ulaakufwa.
Nobana bangu, kutabi muntu nabi womwi weshi amucenjeeke. Uyo ucita shiluleme, uliluleme bweenka mbuli Klistu mbwaaluleme.
Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.
Muntu wa mushobo uyo ulakonkela milasho yangu akulama milawo yangu cakushomeka. Muntu uyo uliluleme, ndushinisho ulaakuba abuumi. Nebo neMwaami Lesa Shinkusu shoonse ndaamba.
Cilambu ca muntu ululeme mbuumi, sombi mpindu ya bamucita shibi nkupekwa mulandu.
Aboobo uyo woonse ucana ndime, ulacana buumi, Mwaami Lesa alakwe ulaakumupa shoolwe.
“Amubone, sunu ndamupa ciindi cakusala pakati ka bubotu abubi, pakati ka buumi alimwi amapensho.
Nshiku shako shilaakufula kwiinda muli ndime ayalo myaaka ilaakunungwaako kubuumi bwako.
wakaamba ayi, “Maswi oonse aya ngondamwaambila sunu, abe muli ndimwe kwaamba ayi mukeeishe bana banu ayi bakakonkele milawo iyi kabotu kabotu.
Lyalo Mwaami Lesa wakaŋambila kulwiita bantu ayi, “Amubone, ntoomubikila kunembo lyanu nshila ya buumi anshila ya lufu.
Sunu ndeeta liculu alimwi acishi ca panshi ayi shibe bakamboni bangu. Ndamupa ciindi cakusala pakati ka buumi alufu, apakati ka coolwe amashingo. Ono amusale buumi kwaamba ayi mwebo abamulunyungu lwanu munooli boomi.
Buboni bucaninwa munshila ibiibi tabucite mpindu, sombi bululami bwalo bulapulusha muntu kulufu.