Tushimpi 12:25 - Baibo Busansulushi Bwa Libuku Ili

²⁵ Kulisukama kulalengesha muntu kuungumana, sombi maswi a nkumbu alalengesha kusangalala.

Tushimpi 12:25 Referans Kwoze

Tushimpi 16:24

Maswi a nkumbu ali anga nimpuma sha buuci. Alicite mise kubuumi alimwi alacafwa mubili kuba kabotu.

Tushimpi 15:13

Na muntu ulisangalete ulasekaseka, sombi na moyo wakwe waciswa, uloongumana.

Tushimpi 17:22

Moyo usangalete ngu musamu ubotu kumubili, sombi kuungumana kulaletela kucisa mumafuwa.

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Tushimpi 15:23

Kukumbula bweelete kulasangalasha. Ncintu cibotu kwaamba liswi lyeelete paciindi ceelete.

Sekaliya 1:13

Mwaami Lesa wakakumbula munjelo maswi abotu akuumbulusha.

Tushimpi 12:18

Maswi abiibi alayasa kumoyo anga ngumupeeni, sombi maswi aamba musongo alashilika.

Tushimpi 27:9

Mafuta anunkila kabotu abweema bukondelesha shilasangalasha moyo wa muntu, mbweeke ubo mbocinyumfwika kupandwa maano kumuntu ngoosunenaankwe.

Kulumbaisha 42:11

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo anangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Tushimpi 18:14

Moyo wa muntu ulamucafwa mukuciswa, sombi wa muntu ufwite taaku nceenga wacafwa.

Tushimpi 25:11

Liswi lyeelete paciindi ceelete lilibo anga cisepo ca golodi cabikwa mucintu ca silifa.

Kulumbaisha 38:6

Ndamana nkusu, citokwaala akwiinamuka, incito nkunoolilabo lilaya mukwipila.

Tushimpi 15:15

Nshiiku sha mukandu shoonsebo nshibiibi, sombi muntu ushiite kabotu ulasangalala lyoonse.

Tushimpi 14:10

Taaku umwi weenga wanyumfwa buumba buli mumoyo wa mubye nabi weenga wanyumfwa kusangalala kwakwe.

Tushimpi 12:26

Muntu ululeme ulatondesha babye nshila ibotu, sombi mucita shibi ulabalubya.

Tushimpi 15:30

Ciinso cisekaseka cilasangalasha kumoyo, aalo makani abotu alakalika moyo.