Tushimpi 12:22 - Baibo Busansulushi Bwa Libuku Ili

²² Mwaami Lesa ulipatite milomo ibeca, sombi ulasangalalila mubantu baamba shalushinisho.

Tushimpi 12:22 Referans Kwoze

Kulumbaisha 5:6

Mulanyonyoola bantu beshikubeca. Mulacimwa bantu batila bulowa alimwi abeshikwiinda bamwi kumaano.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Tushimpi 11:20

Mwaami Lesa ulipatite bacite miyeeyo ya bubi, sombi ulasangalalila mubaabo batacite tumpenda.

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.

Tushimpi 11:1

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Esekelo 13:22

“Mwebo mwakalengesha bantu baluleme kutyongola ceebo ca bubeshi bwanu nabi nebo nshina kubaletelawo mapensho. Mwakayuminisha bamucita shibi ayi bataswi kunshila shabo shibiibi mukupulusha buumi bwabo.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Esekelo 13:19

Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Kulumbaisha 120:2

Nobaami baLesa, amumfuune kuswa kubantu babeshi, ee, bataambi lushinisho.

Tushimpi 17:7

Maswi abotu taaeleli kwaamba muluya, bweenka mbuli mweendeleshi mbwaateeleli kubeca.