Tushimpi 11:3 - Baibo Busansulushi Bwa Libuku Ili

³ Kushomeka kwa baluleme kulabatanjilila, sombi abo batashomeki balanyonyoolwa ceebo ca bubeshi bwabo.

Tushimpi 11:3 Referans Kwoze

Tushimpi 13:6

Bululami bulafuna muntu ushomeka, sombi kubisha kulawisha mucita shibi.

Tushimpi 28:18

Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.

Tushimpi 19:3

Muntu ulalinyonyoosha kubuluya bwakwe mwiine, sombi moyo wakwe ulakalalila Mwaami Lesa.

Kulumbaisha 26:1

NoBaami baLesa, amutondeshe kululama kwangu mukwiinga ndacita shiluleme mubuumi bwangu, alimwi ndicinkite manungo muli ndimwe noBaami baLesa cakutatonsha.

Kulumbaisha 25:21

Kushomeka kwangu abululami bwangu shimfuune, mukwiinga kulangila kwangu kuli muli ndimwe.

Joni 7:17

Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Shikushimikila 7:17

Uteendilishi kuba mucita shibi alimwi utabi muluya. Ceebonshi utooyanda kufwa ciindi cako kacitana kukwana?

Tushimpi 11:5

Bululami bwa baabo batacite kampenda bulalengesha nshila yabo kutuba, sombi bamucita shibi balawishikwa kushibiibi shabo beene.

Isaya 1:28

Sombi ulaakulyatoola boonse bamucita shibi bamwaalookila. Ncakwiila ulaakucaya boonse bamufutatila.

Tushimpi 21:7

Lunkutwe lwa bamucita shibi lulabacaisha beene, ceebo balakaka kucita shintu shiluleme.

Tushimpi 2:22

Sombi balo bamucita shibi balaakukashikwa kwikala mucishi cabo, abo batashomeki balaakukushikwa mucishi ico.

Tushimpi 22:12

Mwaami Lesa ulalama bantu bacite lushibo, sombi ulapilinganya maswi a batashomeki.

Shakubelenga 31:8

kubikaawo abamaami ba bene Midyani bali bosanwe. Meenaabo ngaaya. Efi, Lekemu, Suli, Uli alimwi aLeba. Bakacaila kumwi aBalaamu mwanaakwe Beyo.