Tushimpi 10:19 - Baibo Busansulushi Bwa Libuku Ili

¹⁹ Apo paambwa maswi aanji tapabulilili kubisha, sombi uyo uumuna ngumusongo.

Tushimpi 10:19 Referans Kwoze

Jemusi 3:2

Ceebo swebo soonse tulabisha mushintu shiinji. Na muntu taalubishi mukwaamba ingayi uliluleme cakumaninina alimwi ulakonsha kulicata mushintu shimwi shoonse.

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Shikushimikila 5:3

Bweenka muntu ucite shakulisukama shiinji mbwaakonsha kulota cibiibi, mbweeke ubo kwaamba maswi aanji mbokukonsha kwaambisha muntu shiteelete.

Kulumbaisha 39:1

Ndakaamba ayi, “Ndanoolilama akukasha mulomo wangu kubisha. Ndaakucala mulomo wangu ciindi coonse, kulilabo bamucita shibi kabacili anebo.”

Jobo 11:2

“Sa kwaamba kwa bukaluyaluya takweelete kukumbulwa? Sa muntu ulaambwa ayi taacite mulandu kwiinda mukwaamba maswi aanji?

Tushimpi 18:21

Nshewaamba shilakonsha kukupa buumi nabi kukucaisha, ee, muntu ulyeelete kutambula shisepo sha maswi ngwaamba.

Shikushimikila 5:2

Mutanoofwambaana kwaamba nabi kushomesha cakufwambaana kuli Lesa. Lesa uli kwiculu mwebo muli pacishi ca panshi. Aboobo maswi akwaamba kaaceya.

Tushimpi 11:12

Muntu woonse utacite maano, ulasebaanya mubye, sombi ucite maano akunyumfwisha shintu uloomunabo.

Tushimpi 11:13

Muntu mufuyishi ulayubulula makani abushishi, sombi ushomeka, makani ayo taayubululiiwo.

Tushimpi 12:23

Muntu ucenjete ulashisa lushibo ndwaacite, sombi baluya balaambabo caambaambe.

Shikushimikila 5:1

Kamucenjela ndyemuya muŊanda yakwe Lesa. Ncibotu kuya kuŊanda yakwe Lesa mukwiiya kwiinda kuya mukubenga milambu bucita baluya bateshi cibotu acibiibi.