Tushimpi 1:23 - Baibo Busansulushi Bwa Libuku Ili

²³ Nimwakanyumfwila kukalooka kwangu, naakwiinga ndamwaambila shili mumoyo wangu alimwi akumulwiita nsheentooyeeya.

Tushimpi 1:23 Referans Kwoze

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Isaya 32:15

Sombi Lesa ulaakututumina alimwi Mushimu wakwe kuswa kwiculu. Lyalo luyanga lulaakuba muunda wa mboleshi awalo muunda wa mboleshi ulaakuba musaansa.

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Luka 11:13

Ono na mwebo, nobantu nobeshishibi, kamwishi kupa bana banu shipo shibotu, ino lakwe Ishiwanu wa kwiculu inga waalilwa buyani kupa Mushimu Usalashi kubaabo bamusenga?”

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Tushimpi 12:1

Muntu usuni kululikwa, ingayi ulisuni lushibo, sombi uyo utasuni kululikwa, ingayi ngumuluya.

Isaya 45:8

“Webo oliculu kwiculu uko, losha bululami bweenka makumbi mbwaalosha mfula. Acalo cishi ca panshi acibutambule kwaamba ayi muli ncico lupulusho abululami shiboneke. Nebo neMwaami Lesa ndimeshi nengeshe ayi cicitike.”

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Tushimpi 10:17

Muntu woonse unyumfwila kululikwa ulaba abuumi, sombi uyo utasumini ayi ulilubite, ulasoweka.

Kulumbaisha 145:1

Ndaakumulumbaisha nobaLesa, noBaami bangu, akulemeka liina lyanu lyoonse alyoonse.

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Jelemiya 3:14

Mwaami Lesa waamba ayi, “Amupiluke, mwebo nobantu batashomeki ceebo nebo ndime ibaanu. Ndaakusala womwi womwi kuswa mumandabala oonse akusala bobilo bobilo kuswa mushipani shanu shoonse kwaamba ayi nkamubooshe kuKalundu ka Siyoni.

Tushimpi 1:30

Mwakasuula shoonse nshendakamufunda akukaka kunyumfwila kukalooka kwangu.

Tushimpi 6:23

Shitookufunda baiso, ndilampi. Shitookwiisha banyoko, ngumumuni, akwalo kululamika kwabo, ndwiiyo lwa buumi.

Tushimpi 1:25

Mwakasuula shoonse nshendakamufunda akukaka kunyumfwa kukalooka kwangu.

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

Jowelo 2:27

Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Jowelo 3:1

Mwaami Lesa waamba ayi, “Paciindi ico ndaakulengesha bene Juda abene Jelusalemu kuswitilila alimwi.