Shikushimikila 8:17 - Baibo Busansulushi Bwa Libuku Ili

¹⁷ inga ndaalilwa kwishiba isho Lesa nshaakacita. Taaku nabi womwi uyo weenga wandwiita shicitika pacishi ca panshi. Nabi muntu weelesha buyani cankusu kwaamba ayi eshibe shintu sha mushobo uyo, taakoonshi kwishiba mboshibete. Nabi musongo waamba ayi ulishishi, ncakwiila taakoonshi kushinyumfwisha.

Shikushimikila 8:17 Referans Kwoze

Shikushimikila 3:11

Wakalengesha shintu shoonse kubota mushiindi sha nshisho. Ono wakatupa miyeeyo yakusuna kwishiba shakunembo, sombi taatupi lushibo lukwene pashintu nshaakacita asheesho nsheshi akacite.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Kulumbaisha 73:16

Ndindakeelesha kunyumfwisha shintu ishi, sombi shakanjumina abuumbi kushinyumfwisha

Isaya 40:28

Sa tamwishi? Sa tamukwe kunyumfwaawo kale? Mwaami Lesa ngoLesa wamuyayaya uyo wakalenga cishi ca panshi coonse. Taaleemi nabi kukopoka alimwi taaku ukonsha kwishiba peela miyeeyo yakwe.

Jobo 5:9

Lesa ulacita shaankamiko nshetutakoonshi kwishiba, ee, shitondesho sha nkusu sha kwiculu shiinji shitabelengwa.

Shikushimikila 11:5

Bweenka mbomuteshi nshila ya muuwo alimwi bweenka mbomuteshi mubili mboopangwa mumala, mbweeke ubo tamukoonshi kwishiba mulimo wakwe Lesa, Mulengi wa shintu shoonse.

Kulumbaisha 40:5

Shintu shikankamika nshemwakatucitila nshiinji, noBaami baLesa, baLesa besu. Taaku ukonsha kushimika shintu nshemwakatubambila. Nshikoonshi kushaamba shoonse mukwiinga shafulisha.

Kulumbaisha 104:24

NoBaami baLesa, mwakalenga shintu shiinji! Ncakwiila shoonsebo mwakashilenga amaano! Ee, cishi ciliswitebo shilengwa shanu.

Shikushimikila 1:13

Ndakalyaaba kwaamba ayi njiye akwishiba kwiinda mubusongo shintu shoonse shicitika pacishi ca panshi. Maawe walema mukuli uyo ngwaakatupa Lesa!

Shikushimikila 7:13

Koyeeya isho shakacita Lesa. Ngani weenga woolola cintu ncaakakonkomeka kale?