Shikushimikila 8:12 - Baibo Busansulushi Bwa Libuku Ili

¹² Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.

Shikushimikila 8:12 Referans Kwoze

Kulumbaisha 37:11

Sombi balibombya balaakwikala mucishi cakashomeshekwa, kwikala cakusangalala muluumuno akuswitilila.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

Shikushimikila 7:15

Mubuumi bwangu ubu butaaku mbobubete ndakabona shintu shobilo ishi: Muntu ululeme ulafwa cakufwambaana mubululami bwakwe, sombi mucita shibi ulekala buumi bulaamfu mububi bwakwe.

Shikushimikila 3:14

Ndishi kwaamba ayi isho shoonse Lesa nshaakacita, shinanoolikobo kwalyoonse alyoonse. Taaku ceenga ceelikwaawo nabi kukushikwaawo pashintu isho. Ncakwiila Lesa wakacita shintu shoonse kwaamba ayi tunoomulemeka.

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

Luka 1:50

Nkumbu shakwe shili pali boonse abo bamulemeka kuswa kulishalane limwi kushikila kulishalane limwi.

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Shikushimikila 7:18

Ncibotu kucata comwi cakutapusumusha cimwi. Muntu ulemeka Lesa ulakonsha kucita boobo.

Shikushimikila 5:16

Ici acalo mbubi bucisisha moyo. Bweenka muntu mbwaakesa, mbweshi akaye aakufwa. Ino ono nimpindunshi njaacanaamo ceebo milimo yakwe ilyeelenebo akutandaanya muuwo?

Tushimpi 13:21

Mapensho alakonkela bamucita shibi ciindi coonse, sombi kuswitilila ncilambu cipekwa baluleme.

Kulumbaisha 115:13

Ulaakupa coolwe bantu abo bamulemeka, balemekwa abatalemekwi boonse ulaakubapa coolwe.

Kulumbaisha 112:1

Amulumbaishe Mwaami Lesa! Ulicite coolwe muntu uloonda Mwaami Lesa, muntu usangalala mukulama milawo yakwe.

Kulumbaisha 96:9

Amulambile Mwaami Lesa mubulemu bwa bululami bwakwe. Amututume kunembo lyakwe nobamucishi coonse!

1 Makani 16:30

Amututume kunembo lyakwe nobamucishi coonse! Cishi ca panshi ciliimfwi mumusena womwi, aboobo tacitenkaani.

1 Baami 21:25

Takuna kubawo kale muntu wakalibenga kucita shintu shibiibi pameenso a Mwaami Lesa mbuli aAabu. Wakalinga kucita boobo kwiinda mukulwiitikwa kuli Jesebelo mukaakwe.

Dutolonomi 12:25

Na mukanookonkela mulawo uyu, Mwaami Lesa ulaakukondwa alimwi shintu shoonse shilaakunoomweendela kabotu pantu pomwi abamulunyungu lwanu.

Kulonga 1:20

Mpeeke Lesa wakanyumfwila nkumbu beshikutumbusha aba. Lyalo bene Isilaeli bakafulilaako akuba ankusu shiinji.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Dutolonomi 12:28

Anu shoonse nshendamulwiita mulyeelete kushikonkela amyoyo yanu yoonse, mpeeke shintu shoonse shilaakunoomweendela kabotu pantu pomwi abamulunyungu lwanu lyoonse alyoonse, mukwiinga mulaakunoocita ciluleme alimwi cikondelesha Mwaami Lesa, Lesa wanu.

Kulumbaisha 128:2

Ulaakulya shisepo isho nshaasebensela. Ulaakupekwa coolwe amilimo yakwe ilaakuswitilila.

Shikushimikila 5:7

Kubumba sha muluuwo amaswi aanji taaku mboshibete. Anu cibotubo nkuloonda Mwaami Lesa.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Jobo 35:15

Peculu lya waawo utokwaamba ayi Lesa taapiiwo mulandu bamucita shibi. Utokwaamba ayi Lesa taabelengi shibiibi sha bantu.

Tushimpi 28:14

Ulicite coolwe muntu ulemeka Mwaami Lesa lyoonse, sombi uyo uyumya moyo ulalokela mumapensho.

Jelemiya 44:10

Ono kushikila asunu tamuna kulibombyaawo, sobwe. Ncakwiila tamuna kundemekaawo nabi kukonkela milawo amilasho iyo njendakapa ndimwe alimwi abamashali banu bakulukulu.’