Shikushimikila 7:16 - Baibo Busansulushi Bwa Libuku Ili

¹⁶ Utalulami cakwiindilisha alimwi uteendilishi kuba musongo. Ceebonshi utooyanda kulinyonyoola omwiine?

Shikushimikila 7:16 Referans Kwoze

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Tushimpi 25:16

Na wacana buuci ulyeeletebo kulya mboweelete ceebo na weendilisha inga waluuka.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

Bene Kolose 2:23

Ncakwiila shintu ishi shilaboneka anga nshabusongo. Sombi kupaila kwakulipangila kwabaanjelo, kulibombya cakubeca akupensha mubili, shoonse ishi tashicite mpindu yakukoma buumi bwa buntu busuni kubisha.

1 Bene Kolinto 3:18

Mutalibeeci. Na kuli muntu pakati kanu uyeeya ayi ngumusongo mubwikaalo bwa cishi ca panshi, ulyeelete kuba anga ngumuluya kwaamba ayi abe musongo wancinencine.

Shikushimikila 12:12

Omwanaangu, cenjela kushintu shimwi peculu lya tushimpi. Kulemba mabuku takumaani. Kubelenga bunene kulalemya mubili.

Matalikilo 3:6

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.

Luka 18:12

Ndalikasha kulya mankanda obilo munsondo alimwi pashintu likumi shoonse nsheenga ndacaana ndakushawo comwi akumupa, noBaami.’

Tushimpi 23:4

Utalipenshi kuyanda kubila, tondesha busongo bwakulicata.

1 Timoti 4:3

Balo baleeisha ayi kweeba akulya shakulya shimwi ncibiibi. Sombi Lesa wakalenga shakulya kwaamba ayi bashomi abo bakashiba shalushinisho banoolya, na bamana kulumba Lesa.

Bene Filipi 3:6

Ndakalinga shilunkutwe mukupensha coonde. Kwaamba shabululami buswa mukukonkela Milawo yeenka, ndakaboneka anga ngumuntu utacite shibiibi.

1 Bene Kolinto 3:20

Aamwi Malembo alaamba ayi, “Mwaami Lesa ulishi kwaamba ayi miyeeyo ya basongo taaku mboibete.”

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Mateyo 9:14

Kuswawaawo, bashikwiiya bakwe Joni Mubombeki bakesa kuli Jesu akumwiipusha ayi, “Ceebonshi swebo alimwi abaFalisi tulalikasha kulya, sombi bashikwiiya banu tabalikashiiwo?”

Jobo 28:28

“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”

Jobo 11:12

Sombi nciyumu kulengesha baluya kuba basongo, kwiinda kutambisha mbongolo ya muluundu ayi ibombe.

Ciyubululo 18:19

Mpeeke bantu aba bakalitukwita lusuko mumitwi, bakalila akuungumana abuumbi. Bakalinga kwaamba ayi, “Mapensho, mapensho kundabala inene iyi! Njendabala inene umo bantu boonse abo bacite maato anene palweenge mobakabilila. Ono muawala yomwi iyi banyonyookelwa shintu shoonse!”

Bene Loma 10:2

Nebo inga ndaba kamboni pacikani cakwaamba ayi balisuni abuumbi kusebensela Lesa, sombi kusebensa kwabo takuswi mulushibo lwancinencine.

Mateyo 23:38

Aboobo Ŋanda yakwe Lesa ili muli ndiwe, yaba litongo.

Mateyo 23:29

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulayaka shuumbwe shibotu sha balaluki bakulukulu akubotesha shibumbwabumbwa sha bantu baluleme.

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.