Shikushimikila 7:15 - Baibo Busansulushi Bwa Libuku Ili

¹⁵ Mubuumi bwangu ubu butaaku mbobubete ndakabona shintu shobilo ishi: Muntu ululeme ulafwa cakufwambaana mubululami bwakwe, sombi mucita shibi ulekala buumi bulaamfu mububi bwakwe.

Shikushimikila 7:15 Referans Kwoze

Shikushimikila 6:12

Buumi bwa muntu mbufwaafwi alimwi taaku mbobubete. Ncakwiila buleendabo anga ncimfule. Ino ngani ushi cibotu kuli nguwe? Ngani weenga wakonsha kwishiba ceshi cikacitike pacishi ca panshi lakwe aakufwa?

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Isaya 65:20

“Muli njiyo teshi mukabeewo tubili kateta weshi akekalebo nshiku shiniini akufwa, nabi mucembele weshi akafwe kaatana kumana myaaka ya buumi bwakwe. Uyo weshi akafwe kaacitebo myaaka mwaanda, ulaakunoyeeyelwa ayi walinga kucilibo cikula bwangu. Alakwe uyo weshi akafwe kaatana kushika myaaka ili mwaanda, ulaakunooyeeyelwa ayi wakashinganwa.

Shikushimikila 9:9

Sangalala mubuumi amukaako uyo ngoosuni munshiku shoonse sha buumi bwako ubo butaaku mbobubete alimwi ubo bwakakupa Lesa pacishi cino. Usangalale mubushiku bomwi abomwi ubo butaaku mbobubete ceebo ico ncecilambu cako ciswa mukuyuwaana kwako pano pacishi ca panshi.

Shikushimikila 3:16

Lyalo ndakabona cintu cimwi pacishi ca panshi. Pamusena wakoombolosheshaawo, bubi bwakalingaawo. Pamusena wakoombolosha cakutanyengelela, bubi bwakalingaawo.

Shikushimikila 2:23

Nshiku shakwe shoonse milimo ilaleta kulisukama amapensho. Ncakwiila nabi mashiku miyeeyo yakwe tayookeshiiwo, sobwe. Ici acalo taaku mbocibete.

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

Matalikilo 47:9

Jakobo wakakumbula ayi, “Buumi bwangu bwakutekala pantu pomwi bwatola myaaka ili 130. Myaaka iyo yanceyela alimwi yalinga iyumu, buteshi bwakalinga kulaampa myaaka ya bashali bangu bakulukulu mukutekala pantu pomwi kwabo.”

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.