Shikushimikila 5:2 - Baibo Busansulushi Bwa Libuku Ili

² Mutanoofwambaana kwaamba nabi kushomesha cakufwambaana kuli Lesa. Lesa uli kwiculu mwebo muli pacishi ca panshi. Aboobo maswi akwaamba kaaceya.

Shikushimikila 5:2 Referans Kwoze

Mateyo 6:7

“Ono pakupaila mutanoofusha maswi atacite ncito mbuli bucita bakunsengwe ceebo balo balayeeya ayi Lesa ndyeenga wabanyumfwa.

Tushimpi 10:19

Apo paambwa maswi aanji tapabulilili kubisha, sombi uyo uumuna ngumusongo.

Isaya 55:9

Bweenka liculu mbolili kulaale acishi ca panshi, mbweeke ubo miyeeyo yangu mbweebete kulaale ayaanu. Ashalo nshila shangu mboshibete kulaale ashaanu.

Mateyo 6:9

Anu mbulya mbomweelete kupaila, ‘NoBeeshiwesu nomuli kwiculu, alilemekwe liina lyanu.

Shikushimikila 5:7

Kubumba sha muluuwo amaswi aanji taaku mboshibete. Anu cibotubo nkuloonda Mwaami Lesa.

Matalikilo 18:27

Abulaamu wakabooshaawo alimwi ayi, “NoBaami baLesa, ndaseenga mundekelele kutolelela kwaamba amwebo. Nebo ndibo anga ndusuko nabi milota alimwi nshicite nkusu shakwaamba cili coonse.

Jemusi 3:2

Ceebo swebo soonse tulabisha mushintu shiinji. Na muntu taalubishi mukwaamba ingayi uliluleme cakumaninina alimwi ulakonsha kulicata mushintu shimwi shoonse.

Shikushimikila 5:3

Bweenka muntu ucite shakulisukama shiinji mbwaakonsha kulota cibiibi, mbweeke ubo kwaamba maswi aanji mbokukonsha kwaambisha muntu shiteelete.

Tushimpi 20:25

Inga kwaba kulyaanga kufwambaana kushomesha ayi ishi nshakwe Lesa, pesule watalika kuliyeeya ayi na ndakashomeshelanshi bobulya.

Matalikilo 28:20

Mpomunyaawo Jakobo wakashomesha cakulumbila kuMwaami Lesa ayi, “Na munanooli anebo akundama mulweendo ulu ndooncite, kumpa shakulya ashakufwala

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Matalikilo 18:32

Abulaamu wakaamba ayi, “NoBaami baLesa ndaseenga mutakalali njipushe cakweelaako. Ino na kucanikebo bali likumi?” Wakakumbula ayi, “Teshi njinyonyoole na kucanike bali likumi.”

Matalikilo 18:30

Abulaamu wakaamba ayi, “NoBaami baLesa, mutakalali, ndisuni kwiipusha alimwi. Ino ono na kulibo bali makumi otatwe?” Lakwe wakakumbula ayi, “Teshi njinyonyoole na ncaneemo bali makumi otatwe.”

Boomboloshi 11:30

Mpeeke Jefuta wakashomesha cakulumbila kuMwaami Lesa ayi, “Na mukaabe bene Amoni mumaansaangu,

Maako 6:23

Wakamwaambila lyabili akuyumya maswi akwe ayi, “Ndalumbila, ntookupa coonse nceshi unseenge, nabi kukutimbwitako musa wa cishi cangu.”

Matalikilo 28:22

Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.

Bene Lefi 5:4

“Na umwi washomesha cakulumbila pacintu cili coonse kwakubula kuyeeya, paciindi ceenka ico ndyeeshiba ncaacita ulaba amulandu.

Shikushimikila 10:12

Maswi aswa mumulomo wa musongo alamuletela bulemu, sombi muluya ulanyonyoolwa kwiinda mumaswi akwe.

Shikushimikila 10:13

Maswi ngaataanguna kwaamba ngabuluya, sombi nkwaaya mukweela alababo abushincinko.