Shikushimikila 5:13 - Baibo Busansulushi Bwa Libuku Ili

¹³ Kuli bubi bucisisha moyo mbondakabona mucishi ca panshi Buboni bucanwa, sombi kabutacite mpindu kumwinebo,

Shikushimikila 5:13 Referans Kwoze

Matalikilo 19:14

Lyalo Loti wakaya kubasankwa bakalinga bamamikila bana bakwe banakashi akubalwiita ayi, “Amweendeshe musweemo muno. Mwaami Lesa utoonyonyoola musena uno.” Sombi balo bakayeeya ayi utoosekanabo.

Luka 16:19

“Kwakalinga musankwa mubile wakalinga kufwala shakufwala shamakwebo uyo wakalinga kulya kabotu lyoonse.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Shikushimikila 8:9

Ndakabona shintu isho shoonse ndindakayeeya shicitwa pacishi ca panshi. Kuli ciindi muntu ndyaatondesha nkusu nshaacite pabamwi akulicisa mwiine.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Tushimpi 1:19

Aya ngomeelelesho a bantu boonse bakakatila kubilila mubwiipi. Ee, buboni bwa mushobo uyo bulakwempula buumi bwa babulangoola.

Matalikilo 14:16

Shintu shoonse shakalinga shatolwa wakashiboosha. Loti mwiicwa wakwe alakwe wakamupilusha ashintu shakwe shoonse, balutundu alimwi abamwi bantu bakaangilwa pantu pomwi.

Luka 19:8

Sombi Sakeyo wakanyamuka akwaambila Mwaami Jesu ayi, “Amubone, Nkambo, ndaakupa musa wa buboni bwangu kubakandu. Peculu lya waawo na kuli ngondakanyengelela buboni, ndaakumubooshesha akwiilikaawo mankanda one.”

Isaya 2:20

Pabushiku ubo bantu balaakusowa shibumbwabumbwa shabo kumbeba atumpafwa. Balaakusowa shibumbwabumbwa shabo sha golodi asilifa isho nshebakalipangila ayi banoolambila.

Matalikilo 19:26

Sombi muka Loti wakalanga kwisule, mpeeke wakaaluka libwe lya mwiinyo.

Jobo 20:20

Ncakwiila bulyabi bwakwe tabukwe kumana, taakoonshi kulipulusha mwiine kwiinda mububoni bwakwe.

Shikushimikila 5:14

nabi buboni bunyonyooka kwiinda mukubula coolwe, cakwaamba ayi na ulicite mwaana musankwa, wabula ancaacaasha ayi apyane.

Tushimpi 23:4

Utalipenshi kuyanda kubila, tondesha busongo bwakulicata.

Tushimpi 27:24

Ceebo buboni teshi bwaciindi coonse, nabi mushini tookalilili kwa mashalane oonse.