Shikushimikila 5:1 - Baibo Busansulushi Bwa Libuku Ili

¹ Kamucenjela ndyemuya muŊanda yakwe Lesa. Ncibotu kuya kuŊanda yakwe Lesa mukwiiya kwiinda kuya mukubenga milambu bucita baluya bateshi cibotu acibiibi.

Shikushimikila 5:1 Referans Kwoze

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Kulumbaisha 89:7

NobaLesa mulaloondwa abuumbi munkuta ya basalalite. Ncakwiila boonse abo balamulemeka noBaami baLesa.

Joshuwa 5:15

Mutanjilili wa bashilumamba ba Mwaami Lesa ulya wakakumbula Joshuwa ayi, “Fuula nkwabilo shako ceebo pamusena mpooimfwi palisalalite.” Alakwe Joshuwa wakacita mbomunya ubo.

Kulonga 3:5

Lesa wakamwaambila ayi, “Imikana peenkaapo. Fuula nkwabilo shako mukwiinga pamusena apo mpooimfwi palisalalite.

Bene Ebulu 10:26

Mukwiinga na twatolelela kunoobisha kashanga, sombi katwishi kale lushinisho, taaku mulambu umwi weenga wapekwa kuli Lesa ceebo ca shibiibi shesu.

1 Bene Kolinto 11:22

Sa tamucite maandaanu uko nkomweelete kulita cakukuta akunwa? Nabi na camubotela kusebaanya coonde cakwe Lesa akulensha nsoni bakandu? Ono sa mutooyeeya kwaamba ayi inga ndamulumbaisha pacikani ici? Nshikoonshi napaceyuubo.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Milimo ya Batumwi 10:33

Mpomunyaawo ndakatuma bantu kuli ndiwe alimwi wacita kabotu kwisa. Ono soonse bulya tuli pameenso akwe Lesa kwaamba ayi utulwiite makani oonse ayo ngaakubambila Mwaami Lesa.”

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

2 Makani 26:16

Mwaami Usiya ndyaakaba ankusu abulemu, wakatalika kulisumpula. Ico cakalengesha bwaami bwakwe kuboola panshi. Wakabisha kuMwaami Lesa, Lesa wakwe mukuya muŊanda yakwe akutenta tununkila kabotu pacipaililo ca ntuto.

Kulonga 30:18

“Ukapange mbale ifongomene yakusambilaamo ya bulonse acapanshi ca njiyo coonse cikabe ca bulonse. Ukacibike pakati lya Tente alimwi acipaililo akubikaamo maanshi.

Jobo 11:2

“Sa kwaamba kwa bukaluyaluya takweelete kukumbulwa? Sa muntu ulaambwa ayi taacite mulandu kwiinda mukwaamba maswi aanji?

Jobo 22:12

“Sa Lesa taabete mwiculu lya maculu akulanga panyenyeenshi isho shili mwiculu mwiine?

Tushimpi 10:19

Apo paambwa maswi aanji tapabulilili kubisha, sombi uyo uumuna ngumusongo.