Shikushimikila 3:22 - Baibo Busansulushi Bwa Libuku Ili

²² Munshila iyo ndakabona ayi taaku cimwi ceenga ceendaawo kusangalasha muntu kwiinda milimo yakwe mukwiinga yalo ncecipo ncaakapekwa. Taaku muntu eshi akakonshe kwishiba sheshi shikacitike pesule lya lufu lwakwe.

Shikushimikila 3:22 Referans Kwoze

Shikushimikila 2:24

Anu cintubo ciindaawo kubota muntu nceenga wacita nkulya, kunwa akusangalala musheesho nshaakayuwila. Ono ndaboona ayi ici acalo cilaswa kuli Lesa

Shikushimikila 10:14

Muluya ulafusha maswi pakwaamba. Taaku muntu ushi shitoosa kunembo. Ngani weenga waamba ceshi cikacitike twaakufwa?

Shikushimikila 8:7

Ceebo taaku muntu ushi shakunembo, ino ngani weenga wamulwiita ceshi cikacitike bwaakuca?

Shikushimikila 6:12

Buumi bwa muntu mbufwaafwi alimwi taaku mbobubete. Ncakwiila buleendabo anga ncimfule. Ino ngani ushi cibotu kuli nguwe? Ngani weenga wakonsha kwishiba ceshi cikacitike pacishi ca panshi lakwe aakufwa?

Shikushimikila 11:9

Ocikula bwangu, kosangalala koocili mwanike. Moyo wako kaukupa kusangalala koocili cikula bwangu. Kokonkela ciyanda moyo wako alimwi acili coonse meenso ako ncaabona. Sombi koshiba ayi shintu shoonse ishi Lesa ulaakukoombolosha.

Mateyo 6:34

Paceebo ceeco, mutanoolisukama asha ciilo mukwiinga sha ciilo nsha ciilo. Anu bushiku boonse bulicite mapensho a mbubo.

Danyelo 12:13

“Ono webo Danyelo, koshomeka kushikila kumeelelesho aciindi. Lyalo ulaakufwa, sombi ulaakubuka alimwi akutambula cilambu cako kumeelelesho aciindi.”

Shikushimikila 9:12

Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.

Shikushimikila 8:15

Anu bulya nebo ndashinisha kwaamba ayi muntu ulyeeletebo kusangalala mukwiinga taaku cibotu cicanika pano pacishi ca panshi kwiinda kulya, kunwa alimwi akusangalala. Na wacita boobo, ulaakunoosangalete mumilimo ya nshiku shoonse sha buumi bwakwe ubo Lesa mbwaakamupa pacishi ca panshi.

Jobo 14:21

Na mwanaakwe musankwa wapekwa bulemu, lakwe taaku kwishiba. Na bana bakwe abo basebaanishikwa, lakwe taaku kubonaako.

Dutolonomi 28:47

Ceebo cakutasebensela Mwaami Lesa cakukondwa akusangalala uyo weshi akamupe coolwe mushintu shoonse,

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Shikushimikila 2:18

Shoonse nshendakasebensela pano pacishi ca panshi ndakashisuula mukwiinga ndaakushishiilabo wooyo weshi akese pesule lyangu.

Shikushimikila 7:14

Na shintu shakweendela kabotu, kosekelela. Ono na shakweendela cibiibi, ibaluka kwaamba ayi Lesa ulalengesha shintu shobilo isho kucitika. Aboobo muntu taakoonshi kwishiba buumi bwakwe bwakunembo.

Shikushimikila 9:6

Lusuno lwabo, lupato alimwi amunyono, shoonse shakamana. Ncakwiila taaku nceshi bakabeeko lubasu alimwi mucishi cino ca panshi.