Shakubelenga 28:6 - Baibo Busansulushi Bwa Libuku Ili

⁶ Uyu ngumulambu wakutenta weelete kubengwa bushiku abushiku uyo wakatalikila paKalundu ka Sinayi ayi ngumulambu wa cakulya. Bweema bwa mulambu uyu bulansangalasha nebo neMwaami Lesa.

Shakubelenga 28:6 Referans Kwoze

Amosi 5:25

“Nobene Isilaeli, sa mwakalinga kumbengelawo milambu mumyaaka makumi one njomwakekala muluyanga?

Esekelo 46:14

Pabushiku abushiku macuunsa, mulyeelete kupa makilogilamu ali 2 a fulaulo, kwiilikaawo alita yomwi ya mafuta a olifi akusenkanyaako. Kubenga mulambu wa mushobo uyo kuli ndime ulaakuba ngumulawo walyoonse alyoonse.

Kulumbaisha 50:8

Nshintoomukalalila ceebo ca milambu imwi, nabi milambu yakutenta iyo njemubenga lyoonse kunembo lyangu.

Esila 3:4

Mpeeke bakaba akusekelela kwa Shimpaka kweelana amilasho. Pabushiku abushiku bakabenga mweelo wa milambu yakutenta weelete.

2 Makani 31:3

Mwaami Esekiya wakapa shifubwa kuswa mumatanga akwe ayi shibe milambu yakutenta ya macuunsa amacolesha, panshiku shakookesha sha Cibelu, pakusekelela kwa Myeenshi Ipya alimwi apanshiku shimwi shakusekelela isho shakalembwa muMilawo ya Mwaami Lesa.

2 Makani 2:4

Ntooyaka Ŋanda yakwe Lesa yakulambililaamo Mwaami Lesa, Lesa wangu. Ilaakuba ŋanda isalalite uko nebo abantu boonse nkweshi tukanoobalambila mukutenta tununkila kabotu kunembo lyakwe akupa shipo sha shimaande shisalalite kuli nguwe lyoonsebo. Ncakwiila uko nkweshi tukanoobengela milambu yakutenta macuunsa amacolesha, pabushiku abushiku bwa kookesha bwa Cibelu alimwi apanshiku shakusekelela Mweenshi Upya kubikaawo anshiiku shimwi shakusekelela mukupa bulemu Mwaami Lesa, Lesa wesu. Ici cilaakunoocitika kwalyoonse alyoonse kweelana abwakaamba Mwaami Lesa.

Bene Lefi 6:9

“Lwiita Aloni alimwi abana bakwe ayi iyi njimilawo ya milambu yakutenta. Mulambu wakutenta ulyeelete kucaala pacipaililo mashiku oonse, awalo mulilo ulyeelete kubucesha koonyaka.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 24:18

Lyalo Mose wakaya peene peculu lya kalundu akwinjila mulikumbi. Pakalundu apo, wakeekalawo nshiku shili makumi one, malumwi amashiku.

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

Shakubelenga 28:5

pantu pomwi acipo ca fulaulo akilogilamu yomwi ya fulaulo upelekete usenkene alita yomwi ya mafuta a olifi eene eene.

Shakubelenga 28:7

Balyeelete kutila lita yomwi ya waini pacipaililo pantu pomwi amwanaambelele womwi awomwi ayi ncipo ca cakunwa.

Esekelo 46:15

Nkokwaamba ayi mbelele, fulaulo amafuta a olifi shinanoobengwa kuli ndime neMwaami Lesa bushiku abushiku macuunsa kwalyoonse alyoonse.”

Bene Lefi 27:34

Iyi njemilawo iyo Mwaami Lesa njaakapa Mose paKalundu ka Sinayi ayi nja bene Isilaeli.