Shakubelenga 23:1 - Baibo Busansulushi Bwa Libuku Ili

¹ Mpeeke Balaamu wakaambila Balaki ayi, “Amunjakile shipaililo shosanwe ashobilo pano, akundetela bacende bosanwe abobilo alimwi ambelele shisankwa shosanwe ashobilo.”

Shakubelenga 23:1 Referans Kwoze

Shakubelenga 23:29

Mpeeke Balaamu wakamwaambila ayi, “Anu njakile shipaililo shosanwe ashobilo pano akundetela bacende bosanwe abobilo alimwi ambelele shisankwa shosanwe ashobilo.”

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Esekelo 45:23

Pabushiku bomwi abomwi bwa nshiku isho shosanwe ashobilo shakusekelela, ulyeelete kupa bacende bosanwe abobilo alimwi ambelele shisankwa shosanwe ashobilo shitacite kampenda ayi njimilambu yakutenta kuMwaami Lesa. Ulyeelete kupa mpongo isankwa ayi ngumulambu wakulekelelwa shibiibi.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Jobo 42:8

Paceebo ceeci kamuya kuli Jobo musebenshi wangu mutolelele bacende bosanwe abobilo ambelele shisankwa shosanwe ashobilo kwaamba ayi mukalibengele mulambu wakutenta. Jobo utoomupaililako, anebo ntootambula mupailo wakwe kwaamba ayi ntamupi mulandu kweelana abuluya bwanu. Mwebo tamukwe kwaamba makani a lushinisho pali ndime mbuli bwakacita musebenshi wangu Jobo.”

2 Makani 29:21

Bantu bakaleta bacende bosanwe abobilo, mbelele shisankwa shosanwe ashobilo, bana ba mbelele basankwa bali bosanwe abobilo alimwi ampongo shisankwa shosanwe ashobilo. Mpeeke bakashibenga ayi ngumulambu wakulekelelwa shibiibi sha bamuŋanda ya mwaami abantu boonse bene Juda alimwi ayi ngumulambu wakusalasha Ŋanda yakwe Lesa. Mwaami wakaambila bapailishi, bamulunyungu lwakwe Aloni, ayi babenge banyama boonse abo pacipaililo ca Mwaami Lesa.

1 Makani 15:26

Mpeeke bakabenga baceende bali bosanwe abobilo alimwi ambelele shili shosanwe ashobilo kwaamba ayi Lesa acafwe bene Lefi abo bakanyamuna Libokoshi lya Cipangano.

2 Baami 18:22

Mutanjilili mwine Asilya wakatolelela kwaamba ayi, “Sa utooyanda kundwiita ayi Mwaami Lesa, Lesa wako ngooncinkitemo manungo? Sa teshi ngomwine misena yakulambililaako ya patulundu alimwi ashipaililo shakwe isho Esekiya nshaakanyonyoola ndyaakaambila bene Juda abene Jelusalemu kunoolambililabo kucipaililo ca kuJelusalemu?

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.

Shakubelenga 29:32

“Pabushiku bwasanu ashobilo, bakabenge bacende bosanwe abobilo, mbelele shisankwa shobilo alimwi abana ba mbelele basankwa bobilo alimwi abana ba mbelele basankwa bali likumi abone bacite mwaaka womwi. Shoonse ishi tasheelete kuba akampenda.

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Shakubelenga 22:41

Bushiku bwakaboolaawo, Balaki wakatola Balaamu paKalundu ka Bamoti Baali, uko Balaamu nkwaakalinga kukonsha kubona cipansha ca misumba ya bene Isilaeli.

Shakubelenga 23:2

Alakwe Balaki wakacita kweelana ambwaakalwiitwa, anu lakwe alimwi aBalaamu bakabenga mucende womwi ambelele isankwa yomwi pacipaililo comwi acomwi.

Shakubelenga 23:30

Balaki wakacita kweelana ambwaakalwiitwa, akubenga mucende womwi alimwi ambelele isankwa yomwi pacipaililo comwi acomwi.