Shakubelenga 18:21 - Baibo Busansulushi Bwa Libuku Ili

²¹ Mpeeke Mwaami Lesa wakaamba ayi, “Bene Lefi ndabapa calikumi coonse ncebandetela bene Isilaeli, ayi ngomalipilo pamulimo ngobacita muTente ya Cipangano.

Shakubelenga 18:21 Referans Kwoze

Neyemiya 12:44

Lyalo paciindi ici basankwa bakasalwa kunokweendelesha maanda akusungilamo shipo, shisepo shitaanshi ashalikumi. Bantu aba bakaba amulimo wakuyobolola shipansha sha bapailishi asha bene Lefi kuswa mumandabala kweelana abwaamba Milawo. Bapailishi abene Lefi bakasangalasha bene Juda boonse

Neyemiya 10:37

Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

Bene Ebulu 7:5

Milawo ilaamba ayi bapailishi bamulunyungu lwakwe Lefi balyeelete kupekwa calikumi kuswa pashintu shoonse shicite bene mishaabo, nkokwaamba ayi bene Isilaelinyinaabo, nakubi kwaamba ayi abalo mbamulunyungu lwakwe Abulaamu.

Bene Galatiya 6:6

Uyo woonse utokwiishikwa maswi akwe Lesa ulyeelete kwaabana amufundishi wakwe shintu shoonse shibotu nshaacite.

Neyemiya 13:12

Lyalo bene Juda boonse bakatalika kuleta calikumi ca shili anga ngamaila, waini alimwi amafuta a olifi kumaanda akusungilako shintu kuŊanda yakwe Lesa.

Neyemiya 10:29

twasuminishanya abamakwabesu bamatanjilili besu. Twashomesha cakulumbila kukonkela Milawo yakwe Lesa iyi njaakatupa kwiinda muli Mose musebenshi wakwe akunyumfwila. Tulaakukonkela milawo amilasho yoonse ya Mwaami Lesa, Lesa wesu. Na tukabule kucita boobo, mashingo aakese pamitwi yesu.

2 Makani 31:12

Bakalinga kuleta shipo shabo, shalikumi ashipo shakabengwa kuMwaami Lesa. Konaniya mwine Lefi ngowakalinga kweendelesha mulimo wakulama shintu isho, mukwabo Shimeyi ngowakalinga wabili kuli nguwe pancito iyo.

Shakubelenga 18:6

Nebo nemwiine ndime ndasala bene Lefinyoko kuswa pabene Isilaeli ayi cibe ncecipo cako. Babengwa kuli ndime kwaamba ayi banoosebensa milimo ya muTente ya Cipangano.

Matalikilo 14:20

Aalumbwe Lesa wakwiculu Wiindaawo, uyo wakakupa nkusu shakukoma beshinkondonyoko.” Mpeeke Abulamu wakapa Melikisedeki calikumi pashintu shoonse nshaakapilusha.

Shakubelenga 31:28

Ono kuswa kucipansha ca shintu sha bashilumamba, mukusheko muntu womwi pabaabo bakacatwa boonse bali myaanda yosanwe ayi ngumusonko kuMwaami Lesa, apaŋombe shoonse, mbongolo, mbelele alimwi ampongo shili myaanda yosanwe, mukushewo yomwi yomwi.

Dutolonomi 18:8

Ulyeelete kunoopekwa shakulya sheelene asheesho shitootambula bapailishi bamwi, nacibi kwaamba ayi wakatambula maali akoolishikwa shintu sha bamuŋanda yakwe.

Neyemiya 12:47

Ono muciindi cakwe Selubabelo amuciindi cakwe Neyemiya, bene Isilaeli boonse bakalinga kuleta shipo sha bushiku abushiku sha beshikwiimba abeshikulindilila minjililo. Bakalinga kuleta cipansha ceelete kubene Lefi, abalo bene Lefi bakalinga kupa cipansha ceelete kubapailishi.

Neyemiya 13:5

Aboobo wakamupa cipinda cinene umo kalekale mwakalinga kusungilwa shipo sha shili anga ngamaila, tununkila kabotu pakutenta, shisebensesho, shalikumi sha shili anga ngamaila, waini upya alimwi amafuta a maolifi isho shakalinga kupekwa kubene Lefi, beshikwiimba, beshikulindilila minjililo alimwi ashipo sha bapailishi.

Malaki 2:4

Lyalo mulaakwishiba ayi ndamupa mulawo uyu kwaamba ayi cipangano cangu abene Lefi bapailishi, citolelele.

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Matalikilo 47:24

Pakutebula mulyeelete kupa mwaami cipansha comwi ca shosanwe. Shacaala inga mwakushaawo mbuto acakulya canu nobeene abamuŋanda yanu.”

Matalikilo 47:26

Aboobo Josefu wakabika mulawo wa cishi ca Ijipiti wakwaamba ayi comwi ca shosanwe pakutebula nca mwaami. Uyu mulawo abobulya ucisebensa. Myuunda yeenka yakalinga ya bapailishi njeitakwebo kuba ya mwaami.

Shakubelenga 3:6

“Leta mukowa wa bene Lefi akubapa mulimo wakucafwa Aloni mupailishi.

Neyemiya 10:38

Alakwe mupailishi wa mulunyungu lwakwe Aloni ulyeelete kushindikila bene Lefi ciindi banoopekwa shalikumi. Abalo bene Lefi balyeelete kuleta calikumi ca shalikumi kuŊanda yakwe Lesa akucibika muŋanda yakusungilamo shintu.