Shakubelenga 16:28 - Baibo Busansulushi Bwa Libuku Ili

²⁸ Mose wakaambila bantu ayi, “Ono mulaakwishiba bobulya ayi nguMwaami Lesa wakantuma kucita shintu shoonse ishi alimwi ayi teshi kuyanda kwangu nemwiine, sobwe.

Shakubelenga 16:28 Referans Kwoze

Joni 6:38

Mukwiinga ndakaswa kwiculu kwisa mukucita sheesho shiyanda wooyo wakantuma, kuteshi shiyanda ndime nemwiine, sobwe.

Kulonga 3:12

Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”

Joni 5:36

Sombi ndicite bukamboni bunene kwiinda boobo Joni Mubombeki mbwaakancitila. Shintu nsheencita isho nshaakampa Lesa ayi ncite, nshesheesho shitondesha ayi baTa mbobakantuma.

Esekelo 13:17

Mwaami Lesa wakaamba ayi, “Ono webo omuntu, lansha ciwa ca bukali kubanakashi bali pabene mishaanu abo balaluka shamumitwi yabo beene. Ulaluke mapensho pali mbabo akubalwiita ayi

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Joni 14:11

Mulyeelete kushoma na ndaamba ayi ndimuli baTa, abalo baTa bali muli ndime, nabibo kushoma shaankamiko nsheencita.

Joni 11:42

Ndishi kwaamba ayi lyoonse mulanyumfwa nceenga ndaseenga, sombi ndaamba boobo ceebo ca bantu bali waano, kwaamba ayi beshibe ayi ndimwe mwakantuma.”

Joni 5:30

“Nebo taaku nceenga ndaciita palwaangu nemwiine. Ndoombolosha bweenka Lesa mbwaandwiita. Aboobo koombolosha kwangu kuliluleme mukwiinga nshikakatili kucita nsheensuni, sombi shiyanda wooyo wakantuma.

Sekaliya 4:9

“Selubabelo ngowakayaka lwiimbi lwa Ŋanda yangu alimwi ulaakwiimanisha. Shintu ishi shaakucitika, bantu bangu balaakwishiba ayi anu ndime neMwaami Lesa Shinkusu shoonse ndakakutuma kuli mbabo.

Sekaliya 2:9

“Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.

1 Baami 18:36

Paciindi cakubenga mulambu wa macolesha, mulaluki Elija wakaya kucipaililo akupaila ayi, “NoBaami baLesa, baLesa bakwe Abulaamu, Isaki alimwi aJakobo, amulitondeshe ayi ndimwe baLesa ba bene Isilaeli alimwi ayi ndi musebenshi wanu. Amutondeshe alimwi ayi ndabamba shoonse ishi ceebo mwebo nobeene mwandwiita.

Dutolonomi 18:22

Na ico caamba mulaluki muliina lya Mwaami Lesa cabula kucitika nabi kuboneka, mwishibe ayi makani ayo taakwe kuswa kuMwaami Lesa. Nkokwaamba ayi mulaluki uyo waamba munkusu shakwe mwiine, aboobo tamweelete kumuloonda.

Kulonga 7:9

“Na mwaami amwaambile ayi muliyubulule kwiinda mukucita caankamiko, ulwiite Aloni ayi anyamune nkoli yakwe akwiiwaala panshi kunembo lya mwaami, lyalo itokwaaluka nsoka.”

Shakubelenga 24:13

nabi wampa silifa alimwi agolodi yoonse ili muŋanda yakubwalo, inga nshikaki kukonkela mulawo wa Mwaami Lesa kwiinda mukucita nceensuni nemwiine. Nebo ndaakwaambabo ceenka Mwaami Lesa nceshi akandwiite.”

Kulonga 4:12

Anu webo, koya bulya bweenka! Ndaakukucafwaako kwaamba alimwi ndaakukulwiita ashakwaamba.”

Kulonga 4:15

Inga wabandikaakwe akumulwiita shakwaamba. Noonse nobilo ndaakumucafwaako kwaamba alimwi ndaakumulwiita shakucita.