Shakubelenga 15:20 - Baibo Busansulushi Bwa Libuku Ili

²⁰ Mulyeelete kupa cimaande citaanshi cakapangwa kubusu butaanshi kwaamba ayi ncipo kuli ndime neMwaami Lesa. Mulyeelete kucipa bweenka mbuli cipo ca fulaulo ngomwalupula.

Shakubelenga 15:20 Referans Kwoze

Bene Lefi 2:14

Na mwaleta cipo ca shakulya shitaanshi nsheenga mwatebula kuli ndime neMwaami Lesa, mukape fulaulo shikangitwe nabi shakutwa.

Kulonga 34:26

“Lyoonse pamwaaka, mukanooleta shakulya shanu isho nsheenga mwataanguna kutebula kuŋanda ya Mwaami Lesa. “Mutateleki kana ka mpongo mumukupa wa banyina.”

Esekelo 44:30

Bapailishi balyeelete kupekwa nsomo shiindaawo kubota alimwi ashipo shipuseneeko shiindaawo kubota. Pakupanga shinkwa, bantu balyeelete kupa bapailishi shinkwa wakutaanguna ayi ncipo. Lyalo ndaakupa maandaabo coolwe.

Neyemiya 10:37

Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

Bene Lefi 23:10

“Na mukenjile mucishi ca Kenani ico ncentoomupa, ono na mukatebule shakulya shanu shili anga ngamaila, mukatole mule wakutaanguna kumupailishi.

Kulonga 23:19

“Lyoonse pamwaaka mulyeelete kuleta kuŋanda ya Mwaami Lesa, Lesa wanu shakulya shiinditeewo kupya kabotu nshemutaanguna kutebula. “Mutateleki kana ka mpongo mumukupa wa banyina.

Ciyubululo 14:4

Mbobasankwa bakalisalasha kwiinda mukutakumana abanakashi, ncakwiila balisalalite. Balakonkela Mwanaambelele kuli koonse nkwaaya. Bakapulushikwa kuswa pabantu ba mucishi ca panshi akuba anga nshishango shitaanshi kutebulwa, isho shipekwa kuli Lesa alimwi aMwanaambelele.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

1 Bene Kolinto 15:20

Ono ncakwiila Jesu wakabushikwa kuswa kubafu akuba citondesho cakwaamba ayi uyo woonse eshi akafwe, ulaakubushikwa kuswa kubafu.

Bene Loma 11:16

Na muntu wapa Lesa kapansha ka shinkwa kakutaanguna ingayi shinkwa woonse ngwakwe Lesa. Na muntu wapa Lesa muyanda wa cisamu, nkokwaamba ayi amisampi yoonse njakwe Lesa.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Dutolonomi 14:22

“Mukanoobika palubasu calikumi pashintu shoonse nsheshi mukanookusha mumyuunda yanu myaaka yoonse.

Shakubelenga 18:12

“Ndamupa shintu shibotu shoonse sha mafuta a olifi, waini alimwi ashili anga ngamaila shitaangunwa kutebulwa, isho bene Isilaeli nshebapa ndime neMwaami Lesa kuswa mumyuunda yabo.

Bene Lefi 23:20

Lyalo mupailishi ulyeelete kubenga shinkwa alimwi abana bambelele bobilo abo ayi ngumulambu wakutambeeka wa bapailishi kuli ndime neMwaami Lesa. Mulambu uyu ulisalalite.

Shakubelenga 15:21

Cipo ico cilyeelete kunoopekwa kuli ndime neMwaami Lesa kuswa kubusu bwanu butaanshi mumashalane anu oonse atoosa.

Dutolonomi 14:23

Kuswawaawo mukaye kumusena womwi uyo Mwaami Lesa, Lesa wanu ngweshi akasaale ayi nkokwakumulambilila. Nkomunya uko, mukalye shipansha shanu shalikumi sha shili anga ngamaila, waini, mafuta a olifi, kubikaawo abaana ba ŋombe aba mbelele bakwiiya. Mukanoocita boobo kwaamba ayi mukeeye kulemeka Mwaami Lesa, Lesa wanu lyoonse.

Dutolonomi 16:13

“Ono na mukamanishe kulupula shili anga ngamaila shanu shoonse akutyana minyansa yanu yoonse, mukabe akusekelela kwa Shimpaka nshiiku shosanwe ashobilo.

Bene Lefi 2:12

Inga mwashileta kuli ndime neMwaami Lesa pantu pomwi ashakulya shitaanshi nsheenga mwatebula mumwaaka, sombi tasheelete kutentwa pacipaililo.