Sekaliya 9:5 - Baibo Busansulushi Bwa Libuku Ili

⁵ Mwaami Lesa waamba ayi, “Bene Ashikeloni balaakucibona akuloonda. Bene Gasa balaakunoosalookabo kumyoyo kucisa. Abalo bene Ekiloni balaakunoocita bweenka ubo ceebo kulangila kwabo kwashimingana. Ncakwiila bene Gasa balaakubula mwaami. Ndabala ya Ashikeloni ilaakucaalabo kwakubula bantu.

Sekaliya 9:5 Referans Kwoze

Milimo ya Batumwi 8:26

Ono munjelo wa Mwaami Lesa wakaambila Filipo ayi, “Nyamuka uye kumalenge, munshila iswa kuJelusalemu kuya kuGasa.” (Nshila iyi tabeendiimo bantu shinoonshiku.)

Jelemiya 47:1

Mwaami Lesa wakaŋambila nebo neJelemiya maswi aya pabene Filisiti, Falawo kaatana kulwana bene Gasa.

Bene Filipi 1:20

Ntoolangila amoyo woonse kwaamba ayi kutakabi nabi comwi ceshi cikanenshe nsoni. Aboobo ntooyandishisha kwaamba ayi mbe ankusu sheelete bulya, mbuli lyoonse ayi Klistu alemekwe muli ndime, mubuumi nabi mulufu.

Bene Loma 5:5

Akwalo kulangila uku takutulenshi nsoni ceebo Lesa ulitusuni abuumbi kwiinda muMushimu Usalashi uyo ngwaakatupa.

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Amosi 1:8

Ndaakunyonyoola mwaami wa bene Ashidodi, ncakwiila uyo ulela mundabala ya Ashikeloni. Ndaakupa mulandu ndabala inene ya Ekiloni kushikila abene Filisiti bakamane kufwa. Nebo neMwaami Lesa Shinkusu shoonse ndaamba.”

Sekaliya 9:4

Sombi Mwaami Lesa ulaakukwempula buboni bwabo boonse akunyonyoola maato abo anene mulweenge. Ayalo ndabala yabo ulaakwiinyonyoola amulilo.

Sekaliya 9:6

Baswamashi mbweshi bakekale muAshidodi. Ncakwiila ndaakumanisha kulisumpula kwa bene Filisiti.

Isaya 14:28

Maswi aya akaambwa mumwaaka uyo mwaami Aasi ngwaakafwitaamo.

Amosi 1:6

Mwaami Lesa waamba ayi, “Bene Gasa bakalinga kubisha lyobilo lyobilo, aboobo ndushinisho ndaakubapa mulandu. Bakatola busha mishobo yoonse ya bantu akuya mukuboolisha kubene Edomu.