Sekaliya 8:17 - Baibo Busansulushi Bwa Libuku Ili

¹⁷ Mutapingi kucita bubi kuli shikamukobonyoko, mutanoobeca pakushomesha cakulumbila. Nebo ndipatite shintu sha mushobo uyo. Nebo neMwaami Lesa ndaamba.”

Sekaliya 8:17 Referans Kwoze

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Tushimpi 3:29

Utayeeyi kucitila mubyo cintu nceenga camucisa mukwiinga ulekala pafwaafwi awebo alimwi ulakushoma.

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Mateyo 12:35

Muntu uli kabotu ulaamba shintu shibotu isho shili mumoyo wakwe, alakwe muntu mubiibi ulaamba shibiibi shili mumoyo wakwe.

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Sekaliya 7:10

Tamweelete kulita masuku pamitwi ya bamukalubinje, bana banshiwa, baswamashi mbomwikalaabo nabi bakandu. Mutanoopinga kucisa babyaanu.’

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Tushimpi 6:14

Balayeeya bubi mubumpele bwabo nkokwaamba ayi balo mbeshikubalamuna makatasho ciindi coonse.

Sekaliya 8:18

Mwaami Lesa Shinkusu shoonse wakaamba maswi aya kuli ndime neSekaliya ayi,

Kulumbaisha 101:3

alimwi teshi nkasuminisheewo cintu cibiibi pameenso angu. Ndipatite micito ya bantu bafutatila Lesa. Ncakwiila tatunyumfwani abantu abo.