Sekaliya 4:10 - Baibo Busansulushi Bwa Libuku Ili

¹⁰ Balityongwete ceebo ncito taitooya panembo. Sombi balaakubona Selubabelo kaayaka Ŋanda yangu iyi, lyalo balaakusangalala abuumbi.” Lyalo munjelo wakasansulula pacili anga nciloto ayi, “Malampi ali osanwe aobilo eemikanina meenso osanwe aobilo a Mwaami Lesa ayo abona pacishi ca panshi coonse.”

Sekaliya 4:10 Referans Kwoze

Jobo 8:7

Buboni bwako boonse bulya bwakanyonyooka bulaakuceya ceebo Lesa ulaakukupa buboni buunji munshiku shitoosa.

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

Agayi 2:3

‘Ngani wacaala pakati kanu uyo wakabona bulemu bwa Ŋanda yakwe Lesa mbobwakalinga kalekale? Ino sunu itooboneka buyani? Sa teetooboneka anga taaku mboibete?

Tushimpi 15:3

Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.

Ciyubululo 5:6

Pesule, ndakabona Mwanaambelele kaaimfwi pakati ka cuuna ca bwaami, kaashingulukitwe ashilengwa shuumi isho shone abamaloba abo. Mwanaambelele wakalinga kuboneka anga wacaikwa. Wakalinga kucite meeca osanwe aobilo alimwi ameenso osanwe aobilo. Meenso ayo njemishimu yosanwe ayobilo yakwe Lesa iyo lakwe njaakatuma mucishi coonse ca panshi.

Sekaliya 3:9

Bona, libwe ndindabika kunembo lyako webo Joshuwa. Palibwe ilyo pali meenso ali osanwe aobilo. Ntootalaawo malembo pali ndilyo alimwi ndaakukusha shibiibi sha cishi cino mubushiku bomwibo.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Isaya 66:14

Ici mwaakucibona, myoyo yanu ilaakusangalala. Lyalo mulaakunoonemfumabo anga ngumweemfu mukuswitilila. Nkusu shangu nebo neMwaami Lesa, shilaakuboneka kubasebenshi bangu. Sombi balwani bangu ndaakubatondesha bukali bwangu.”

Isaya 66:11

Mulaakusangalala mububoni bwa njiyo anga ngumwaana kulukolo lwa banyina!”

Ciyubululo 8:2

Lyalo ndakabona baanjelo bosanwe abobilo beemikana kunembo lyakwe Lesa, kabapekwa mapeenga ali osanwe aobilo.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Jelemiya 16:17

Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Esekelo 1:14

Shilengwa isho shakalinga kucicabo anga nkubeka kwa mfula uku akooku.

Amosi 7:2

Muciloto cangu ndakabona cisoshi kacilya shishango shoonse pacishi ca panshi. Lyalo nebo ndakoolobesha ayi, “NoBaami baLesa Beshinkusu shoonse, amulekelele bantu banu! Ino inga bapuluka buyani? Ncakwiila mbaniini alimwi tabacite nkusu!”

Amosi 7:5

Lyalo nebo ndakoolobesha ayi, “NoBaami baLesa Beshinkusu shoonse, amucileeke! Ino bantu banu inga bapuluka buyani? Ncakwiila mbaniini alimwi tabacite nkusu!”

Kulumbaisha 33:14

Boonse bashiite pacishi ca panshi ulababona kuswa pacuuna cakwe ca bwaami.

Sekaliya 9:1

Aya ngamakani abulaluki akaambwa aMwaami Lesa. Mwaami Lesa washinisha kupa mulandu cishi ca Adilaki. Bukali bwakwe bulaakushikila pandabala ya Damasikasi. Meenso a Mwaami Lesa ali pabantu boonse bweenka mbwaabete pabene Isilaeli.