Sekaliya 12:8 - Baibo Busansulushi Bwa Libuku Ili

⁸ Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Sekaliya 12:8 Referans Kwoze

Sekaliya 9:8

Sombi ndaakufuna cishi cangu kuswa kumakoto a bashilumamba bakali. Taaku shikulyatilila weshi akakome tubili bantu bangu ceebo ono ntoobalama.”

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Mika 7:16

Bamumishobo iinji balaakubona shaankamiko isho akunyumfwa nsoni. Nkusu shabo shoonse shilaakumana. Balaakulicata pamilomo yabo akushinka matwi abo mukukankamana.

Mika 7:8

Nobalwani besu, mutalisumpuli pali ndiswe. Nabi twawa, tulaakubuka. Nabi tube mumunshinshe, Mwaami Lesa ulaakuba mumuni wesu.

Jowelo 3:10

Amufule milomo ya shakulimisha shanu ayi ibe mipeeni. Amufule shakukwesoosha shisamu ayi shibe masumo. Ono abalefukite boonse balyeelete kulwana.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

Ciyubululo 22:13

Nebo ndime Alufa alimwi aOmega, nkokwaamba ayi Mutaanshi alimwi aWakweelaako, ndime Matalikilo aMamanino.”

Bene Ebulu 11:34

bakashimya mililo yakalinga kunyaka abuumbi, bakapulushikwa kukucaikwa amipeeni. Nakubi kwaamba ayi tebakalinga kucite nkusu, bakabaasho. Bakaba bashilumamba bayumu abuumbi, akukoma bashilumamba ba mushishi sha baswamashi.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Loma 9:5

Balo bakaswa mucishiko ca mishobo yoonse ya bene Isilaeli. Alakwe Klistu kwiinda mukushalwa kwabuntu ngwa mumushobo wabo. Aalumbaishikwe lyoonse Lesa uyo weendelesha shintu shoonse. Ameni.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Osiya 12:3

Jakobo wakalwana aEsau kabacili mulifumo alimwi ndyaakakula wakalwana aLesa.

Jelemiya 27:10

Balamulalukila shabubeshi isho sheshi shikamulengeshebo kutolwa kulaamfu kuswa mucishi cine mishaanu. Nebo ndaakumutanda, mukaloobe.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Kulumbaisha 82:6

“Ndakaamba ayi, ‘Muli balesa, noonse muli baana ba Lesa wa kwiculu Wiindaawo.’

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Kulonga 14:19

Mpeeke munjelo wakwe Lesa uyo wakalinga kunembo lya bashilumamba bene Isilaeli wakaboola kwisule lyabo. Alyalo licincilo lya likumbi lyakasena kushikila lyaba

Kulonga 33:2

Ndaakutuma munjelo ayi akamutanjilile, alimwi mucishi ico ndaakutandamo bene Kenani, bene Amoli, bene Iti, bene Pelisi, bene Ifi alimwi abene Jebusi.

Bene Lefi 26:8

Bantu bosanwe bamulikoto lyanu balaakukonsha kukoma bali mwaanda, abalo bamulikoto lyanu bali mwaanda balaakukonsha kukoma bali shuulu likumi.

Joshuwa 23:10

Womwibo ndondoli pakati kanu ulakonsha kutanda bantu bali cuulu mukwiinga nguMwaami Lesa, Lesa wanu umulwaninaako kweelana ambwaakashomesha.

Kulumbaisha 8:5

Mwakamuceesha kwiindabo ndimwe nobeene, sombi mwakamupa bulemu buunji abwaami.

Isaya 31:4

Mwaami Lesa wandwiita ayi, “Bweenka nkalamu mboibuluma, ee, bweenka nkalamu inene mboicemba pamunyama ngoyacata alimwi bweenka mboitaloondi beembeshi batooiyobelela nabi bafule buyani, mbweeke ubo taaku weshi akakonshe kukasha nebo neMwaami Lesa kufuna Kalundu ka Siyoni.

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Isaya 33:24

Lyalo mundabala ya Siyoni teshi mukanyumfwikewo mulwashi. Shibiibi sha baabo bekala mundabala iyo, shilaakulekelelwa.

Sekaliya 10:7

Bene Isilaeli balaakuba ankusu anga mbashilumamba. Balaakukondwabo anga ngumuntu walinga kunwa waini. Bamulunyungu balaakwiibaluka kukoma uko akusangalala ceebo ca sheesho Mwaami Lesa nshaakacita.