Sekaliya 11:5 - Baibo Busansulushi Bwa Libuku Ili

⁵ Bashuula balashicaya kwakutapekwa amulandu. Abalo balya bashuulisha balaamba ayi, ‘Aalumbaishikwe Mwaami Lesa, ndabiila!’ Nabi beembeshi ba nshisho boonse tabashifwitiiwo ankumbu.

Sekaliya 11:5 Referans Kwoze

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Osiya 12:8

Balaamba ayi, ‘Twabiila abuumbi. Twaba abuboni buunji abuumbi alimwi taaku weenga watwaambila ayi twabilila mukutashomeka.’

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Esekelo 34:21

Mwakalinga kuyasa shilwashi ameeca anu tibili mwashitanda mulitanga.

Esekelo 34:10

Nebo neMwaami Lesa Shinkusu shoonse ndaamba ayi, ‘Nobeembeshi, ndaakumulwana akumupa mulandu palitanga lyangu. Ndaakumukasha kulama litanga langu kwaamba ayi mwebo mutakaliwo tubili mbelele sha ndilyo. Ndaakushifuna kumilomo yanu. Ncakwiila teshi mukashilyewo tubili.

Esekelo 34:6

Mbelele shangu shakeengaila mutulundu toonse tunene atuniini toonse. Bakapalanganina mucishi ca panshi coonse alimwi taaku nabi womwi wakashikonkela nabi kushiyandoola, sobwe.’

Jelemiya 2:3

Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.

Neyemiya 5:8

Lyalo ndakabaambila ayi, “Swebo twakeelesha kulubula bamakwabesu baJuda abo bakoolishikwa busha kubaswamashi bakunsengwe. Ono mwebo mutokakatisha baJudanyinaanu kulyuulisha kuli ndimwe!” Bamatanjilili bakoomunabo tontolo mukwiinga bakabula maswi akukumbula.

2 Baami 4:1

Bumwi bushiku mukalubinje mwanakashi wa wooyo wakalinga mulikoto lya balaluki wakaya kuli Elisha akwaamba ayi, “Nkambo, beebaangu bakafwa! Mbuli mbomwishi, bakalinga kulemeka Lesa. Ono musankwa umwi ngobakakongolako maali wesa mukubwesa bana bangu bobilo basankwa ayi babe basha kwaamba ayi nkongole imane.”

Ciyubululo 18:13

Taaku eshi akoole tununkila kabotu mubuyani tupusenepusene, tununkila kabotu pakutenta, mule, waini, mafuta, fulaulo, witi, ŋombe, mbelele, maaki, shikoci alimwi basha, nkokwaamba ayi bantu boomi.

Joni 10:1

Jesu wakaamba ayi, “Ntoomulwiita calushinisho ayi muntu utanjilili kumulyango wa cimpati ca mbelele, sombi watantilabo pamwi, ngumwiipi alimwi ngumupambi.

Ciyubululo 3:17

Webo ulaamba ayi, Ndimubile, ndicite buboni buunji, taaku nceentacite. Sombi tooshi kwaamba ayi ulipengete alimwi ulalensha ankuumbu! Uli mukandu, moofu alimwi uli matakosha.

Osiya 12:9

Ndime Mwaami Lesa, Lesa wanu uyo wakamukusha mucishi ca Ijipiti. Ndaakumulengesha kwikala mumatente alimwi bweenka mbomwakalinga kucita ndindakesa kuli ndimwe muluyanga.

Amosi 2:6

Mwaami Lesa waamba ayi, “Bene Isilaeli bakalinga kubisha lyobilo lyobilo, aboobo ndushinisho ndaakubapa mulandu. Bakoolisha bantu baluleme a Silifa, akushintisha bakandu ankwabilo shobilo.