Sefaniya 1:1 - Baibo Busansulushi Bwa Libuku Ili

¹ Mubwaami bwakwe Josiya mwaami wa cishi ca Juda, Josiya mwanaakwe Amoni, Mwaami Lesa wakatuma maswi aya kwiinda muli Sefaniya mwanaakwe Kushi, mwishikulu wakwe Gedaliya. Gedaliya ngowakashala Amaliya mwishikulu wakwe Esekiya.

Sefaniya 1:1 Referans Kwoze

Jelemiya 1:2

Mwaami Lesa wakaamba kuli nguwe mumwaaka wa likumi ayotatwe wa bwaami bwakwe Josiya mwanaakwe Amoni mwaami wa cishi ca Juda.

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

Osiya 1:1

Aya ngamaswi Lesa ngaakayubulula kuli ndime neOsiya mwanaakwe Biili, mubwaami bwakwe Usiya, Jotamu, Aasi, Esekiya bamaami ba bene Juda alimwi amubwakwe Jeloboamu mwanaakwe Jeoyashi mwaami wa bene Isilaeli.

Esekelo 1:3

maswi a Mwaami Lesa akashinkila nebo neEsekelo nemupailishi mwanaakwe Busi ndindakalinga kuMulonga wa Keba mucishi ca bene Babiloni. Uko nkusu shakwe shakanselukila.

Jelemiya 25:3

“Kwamyaaka makumi obilo amyaaka yotatwe, nkokwaamba ayi kuswa mumwaaka walikumi ayotatwe wa bwaami bwakwe Josiya mwanaakwe Amoni mwaami wa bene Juda kushikila sunu, ndalinga kutambula maswi a Mwaami Lesa alimwi ndalinga kumulwiita cakushomeka ciindi coonse maswi ayo, sombi mwebo temwalinga kukutikaawo, napaceyi.

2 Timoti 3:16

Malembo akwe Lesa oonse akayubululwa anguwe mwiine alimwi alayandika mukwiisha shalushinisho, kukasha shilubo, kululika shitaluleme amukupa milasho iyandika mukwikala buumi bululeme.

2 Baami 21:18

Mpeeke Manase wakafwa akubikwa mumuunda wa ŋanda ya bwaami nkokwaamba muunda wa Usa. Lyalo Amoni mwanaakwe ngowakapyana bwaami bwakwe.

2 Makani 33:20

Manase wakafwa akubikwa palubansa lwa ŋanda ya bwaami. Lyalo Amoni mwanaakwe musankwa ngowakapyana bwaami bwakwe.

Jelemiya 22:11

Mwaami Lesa waamba pali Jeoyasi mwanaakwe Josiya uyo wakapyana bwaami bwa baishi muJuda ayi, “Kuno teshi akabooleleko tubili.

2 Baami 21:26

Amoni wakabikwa mucuumbwe ca mumuunda wa Usa. Lyalo Josiya mwanaakwe ngowakapyana bwaami bwakwe.