Osiya 5:8 - Baibo Busansulushi Bwa Libuku Ili

⁸ “Amulishe lupeenga lwa nkondo muGibiya. Ee, amulishe lupeenga lwa lwiica muLama Amucenjeshe bene Beti Afeni bacite ciyobeyobe ca nkondo. Amutanjile kunembo nobene Benjameni, tuye kunkondo.

Osiya 5:8 Referans Kwoze

Osiya 9:9

Mwebo nobantu mwakepila mushibiibi bweenka mbocakalinga kuGibiya. Ono Lesa ulaakwiibaluka bubi bwanu akumupa mulandu ceebo ca shibiibi shanu isho.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Jowelo 2:1

Amulishe mapeenga muSiyoni, Amucenjeshe bantu bangu pakalundu kangu kasalalite. Amututume noonse nobantu nomwikala mucishi ca Juda mukwiinga bushiku bwa Mwaami Lesa butoosa. Ncakwiila bulibo pafwaafwi kwisa.

Jelemiya 4:5

“Amwaambilishe muJuda akoolobesha muJelusalemu ayi, ‘Amulishe mapeenga mucishi coonse.’ Amoolobeshe kamwaamba ayi, ‘Amubungane pantu pomwi, tucicile kumandabala anene acite malinga.’

1 Samwelo 15:34

Lyalo Samwelo wakanyamuka kuya kuLama, sombi Saulo wakaya kuŋanda yakwe muGibiya.

Osiya 8:1

Mwaami Lesa waamba ayi, “Amulishe mapeenga ankondo. Balwani besa mucishi cangu anga ngumumbankwashi ceebo bantu bangu bakapwaya cipangano alimwi baashukila milawo yangu.

Isaya 10:29

Beenda kale pamwinjililo uli pakati ka tulundu tobilo akwaamba ayi baye bakoonene kuGeba! Bantu ba mundabala ya Lama baloonda abuumbi. Balo ba muGibiya, ndabala ya mwaami Saulo, bacica.

Boomboloshi 5:14

Bakesa mucinyika kuswa kuEfuleemu, pesule lya bamumukowa wakwe Benjameni. Bamatanjilili ba bashilumamba bakaswa kuMakiya kuSebuluni nkokwakaswa bakalinga kucite nkoli sha butanjilili.

Jowelo 2:15

Amulishe lupeenga paKalundu ka Siyoni. Amwaambilishe ayi mbushiku bwakulikasha kulya akwiita bantu ayi babungane pantu pomwi.

Osiya 10:5

Bantu bekala mundabala ya Samaliya baliloondete, alimwi balaakulila ceebo ca cibumbwabumbwa ca mucende mwaana kuBetelo. Bantu balaakulila pantu pomwi abapailishi abo basebensela cibumbwabumbwa ico. Balaakulila caakufuulwa bulemu bwa ncico bwa golodi.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

1 Baami 12:29

Wakabika mucende mwaana wa golodi umwi mundabala ya Betelo aumwi mundabala ya Dani.

2 Samwelo 21:6

Aboobo amutupe bamulunyungu lwakwe basankwa bali bosanwe abobilo tuye tukabacaaye pameenso a Mwaami Lesa kuGibiya, ndabala yakwe Saulo, mwaami uyo Mwaami Lesa mwiine ngwaakasala.” Mpomunyaawo mwaami Defedi wakakumbula ayi, “Ncibotu, ntoobaaba mumaansaanu.”

1 Samwelo 8:4

Mpeeke bamaloba ba bene Isilaeli bakabungana, baya kuli Samwelo muLama

1 Samwelo 7:17

Lyalo ndyaakalinga kuya kumishaabo kuLama, uko akwalo nkwaakalinga kucite mulimo wa boomboloshi. Mwalo muLama wakayaka acipaililo mukulemeka Mwaami Lesa.

Joshuwa 7:2

Ono Joshuwa wakatuma basankwa bamwi kuswa muJeliko kuya kuAi, ndabala inene ili kwicwe lya Betelo pafwaafwi aBeti Afeni, ayi bakasense musena uyo. Aboobo basankwa abo bakaya mukusensa ndabala ya Ai.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?