Osiya 2:11 - Baibo Busansulushi Bwa Libuku Ili

¹¹ Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.

Osiya 2:11 Referans Kwoze

Amosi 5:21

Mwaami Lesa waamba ayi, “Nebo ndipatite kulambila kwanu pakusekelela. Mabungano anu nshaasuni napaceyi.

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Jelemiya 16:9

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ulaakulibonena ameenso ako. Koocili muumi ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumusena uyu.’

Naamu 1:10

Balaakucatwa mumyuumfwa akukolwa waini wabo. Balaakutentwabo anga mbwiisu buyumu.

Amosi 8:3

Pabushiku ubo kwiimba kulaakuba kulila muŊanda yakwe Lesa. Mituntu ilaakubabo pali poonse. Ilaakusowekwa cakutayobeka. Nebo neMwaami Lesa Shinkusu shoonse ndaamba.”

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Esekelo 26:13

Ndaakumanisha nyimbo shako shoonse alimwi mukumo wa tulumbu twako teshi ukanyumfwikewo tubili.

Jelemiya 25:10

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga, kulila kwa mpelo alimwi amumuni wa malampi.

1 Baami 12:32

Jeloboamu alakwe wakabika bushiku bwalikumi ashosanwe mumweenshi wasanu ayotatwe ayi mbwakusekelela bweenka mbocakalinga kucitika muJuda. Wakalinga kubenga milambu mundabala ya Betelo kubacende baana ba golodi abo mbwaakabumba. KuBetelo wakabikaako bapailishi ayi basebensele kumisena yakulambililaako ya patulundu njaakayaka.

Osiya 5:7

Bantu abo tabashomeki kuli ndime neMwaami Lesa abalo bana babo teshi baangu. Aboobo balo balaakunyonyoolwa pantu pomwi amyuunda yabo pakusekelela kwa Mweenshi Upya.

Bene Lefi 26:20

Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.