Osiya 12:9 - Baibo Busansulushi Bwa Libuku Ili

⁹ Ndime Mwaami Lesa, Lesa wanu uyo wakamukusha mucishi ca Ijipiti. Ndaakumulengesha kwikala mumatente alimwi bweenka mbomwakalinga kucita ndindakesa kuli ndimwe muluyanga.

Osiya 12:9 Referans Kwoze

Osiya 13:4

Mwaami Lesa waamba ayi, “Nebo ndime neMwaami Lesa, Lesa wanu nendakamukusha mucishi ca Ijipiti. Tamweelete kwishiba balesa bamwi kuleka ndime. Nebo neenka ndime Mupulushi wanu.

2 Samwelo 7:2

Mpeeke wakaambila Natani mulaluki ayi, “Nebo bona ntookala muŋanda ya bwaami yakayakwa kabotu ashisamu sha sida. Sombi Libokoshi lya Cipangano lilishiitebo mutente.”

Joni 7:2

Ono ciindi cakusekelela kwa baJuda ca Shimpaka cakalinga pafwaafwi.

Jelemiya 35:7

Wakatukasha akuyaka maanda, kulima myuunda imwi, kushanga myuunda ya minyansa nabibo kuba acintu nabi comwi pashintu ishi. Sombi tulyeelete kunookalabo mumatente. Twaakucita boobo, ndyeshi tukekaale ciindi cilaamfu mucishi umo motwiingeelabo.

Kulumbaisha 81:10

Ndime Mwaami Lesa, Lesa wanu nendakamukusha mucishi ca Ijipiti. Amulakame nebo ndaakumulisha.

Esila 3:4

Mpeeke bakaba akusekelela kwa Shimpaka kweelana amilasho. Pabushiku abushiku bakabenga mweelo wa milambu yakutenta weelete.

Shakubelenga 15:41

Nebo ndime Mwaami Lesa, Lesa wanu. Ndakamukusha mucishi ca Ijipiti ayi mbe Lesa wanu. Nebo ndime Mwaami Lesa.’ ”

Bene Lefi 26:13

Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”

Bene Lefi 19:36

Kamusebensesha shipimo sheelete. Nebo ndime Mwaami Lesa, Lesa wanu uyo wakamukusha mucishi ca Ijipiti.

Kulonga 20:2

“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Matalikilo 25:27

Basankwa bobilo abo bakakula. Esau wakaba mufwimi ucibwene alimwi wakalinga kusunishi buumi bwakuya muluundu, sombi Jakobo wakalinga kuumwite abuumbi alimwi usuni kucanikabo paŋanda.

Mika 6:4

Ndakamukusha kuswa kuIjipiti, ee, ndakamulubula kuswa kucishi ca busha. Ndakamutumina Mose, Aloni aMilyamu kwaamba ayi bamutanjilile.

Osiya 2:15

Lyalo uko ndaakubabooshesha myuunda yabo ya minyansa alimwi ndaakulengesha Cinyika ca Ako kuba mulyango wakulangila. Muluyanga umo balaakutalika kunkonkela bweenka mbobakalinga kucita kale kale, ee, ndibakaswabo mucishi ca Ijipiti.

Osiya 11:1

Mwaami Lesa waamba ayi, “Isilaeli ndyaakalinga mwaana ndakalinga kumusuni abuumbi alimwi ndakeeta mwanaangu uyo ayi aswe muIjipiti.

Kulumbaisha 49:7

Ncakwiila taaku muntu weenga walilubula mwiine. Taaku muntu ukonsha kulipila mweelo wa buumi bwakwe kuli Lesa.

Tushimpi 30:12

“Kuli bantu balibona ayi balisalalite, sombi tabasalaliteewo, napaceyi.

Jelemiya 5:27

Ono bweenka mbuli shikuteya tuyuni mbwaasusha cinsangala atuyuni, mbweeke ubo maandaabo mbwaaswite shintu shakusaala. Ncakwiila bakabila akuba ankusu shiinji.

Sekaliya 11:5

Bashuula balashicaya kwakutapekwa amulandu. Abalo balya bashuulisha balaamba ayi, ‘Aalumbaishikwe Mwaami Lesa, ndabiila!’ Nabi beembeshi ba nshisho boonse tabashifwitiiwo ankumbu.