Obadiya 1:16 - Baibo Busansulushi Bwa Libuku Ili

¹⁶ Bweenka mbuli mbomwakanwa munkomeshi ya bukali pakalundu kangu kasalalite, mbweeke ubo mishobo yoonse imushingulukite ilaakunoonwaamobo. Balaakunoocitekobo kunwa tibili bakanyonyooke cakutacaalaako.”

Obadiya 1:16 Referans Kwoze

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Jelemiya 49:12

Mwaami Lesa waamba ayi, “Na bantu abo batakalinga kweelete kunwa munkomeshi ya bukali bwangu, bakanwa, ceebonshi mutooyeeya ayi mwebo teshi mukapekwewo mulandu? Teshi mukalekwebo, sombi mulyeelete kunwaamo.

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?

Abakuku 1:9

“Makoto abo a bashilumamba alesa ashitaala. Bantu boonse balaloonda na batoosa cipola. Bantu mbobacata busha balafulabo anga ngumuseese.

Isaya 42:14

Mwaami Lesa waamba ayi, “Ndoomuna kwaciindi cilaamfu. Ndalinga kuumwitebo akukomenya caamba. Ono bulya ndibo anga ngumwanakashi utooyanda kutumbuka. Ntootweekabo akooloma alimwi akupulumpunta kubukali.

Malilo 4:21

Bulya amusekelele akukondwa mwebo nobene Edomu, mwebo nomwikala mucishi ca Usi. Amwebo mulaakupekwa nkomeshi ya mapensho. Mulaakukolwa akufuulwa shakufwala.