Neyemiya 9:5 - Baibo Busansulushi Bwa Libuku Ili

⁵ Bene Lefi nkokwaamba ayi Jeshuwa, Kadimyelo, Bani, Ashabineiya, Shelebiya, Odiya, Shebaniya alimwi aPetayiya bakaambila bantu ayi, “Amunyamuke mulumbaishe Mwaami Lesa, Lesa wanu. Amumulumbaishe kwalyoonse alyoonse. Bantu boonse abalumbaishe liina lyakwe lyabulemu, nakubi kwaamba ayi muntu taakoonshi kulilumbaisha cakulishishaawo.”

Neyemiya 9:5 Referans Kwoze

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Esila 3:11

Lyalo bakeemba kabalumbaisha Mwaami Lesa ayi, “Mwaami Lesa ngumubotu, lusuno lwakwe pabene Isilaeli ndwamuyayaya.” Bantu boonse bakalumbaisha Mwaami Lesa cakoolobesha, mukwiinga mulimo wakuyaka alimwi Ŋanda yakwe Lesa wakatalika.

1 Makani 29:13

Ono nobaLesa besu, twamulumba abuumbi akulumbaisha liina lyanu lyabulemu.

Kulumbaisha 146:2

Ndaakulumbaisha Mwaami Lesa kwabuumi bwangu boonse. Ndaakwiimba nyimbo shakulumbaisha kuli Lesa wangu ndyeencili muumi.

Kulumbaisha 145:5

Balaakunokwaamba pabulemu bwanu apabwaami bwanu, nebo ndaakunooyeeyabo shamilimo yanu ikankamika.

Kulumbaisha 145:2

Ndanoolumbaisha ndimwe bushiku abushiku. Ndanoolumbaisha liina lyanu lyoonse alyoonse.

Kulumbaisha 134:1

Amulumbaishe Mwaami Lesa, mwebo noonse nobasebenshi bakwe. Amumulumbaishe mwebo nomusebensa muŊanda yakwe mashiku.

Kulumbaisha 106:2

Ngani weenga waambilisha milimo ya nkusu ya Mwaami Lesa? Ngani weenga wamulumbaisha mbwaaelete?

Kulumbaisha 16:2

Nebo ndakaambila Mwaami Lesa ayi, “Ndimwe Baami baLesa, baLesa bangu. Shibotu shoonse nsheencite shilaswa kuli ndimwe.”

2 Makani 20:19

Mpeeke bene Lefi bamucipani cakwe Koati alimwi acakwe Kola bakeemikana akulumbaisha Mwaami Lesa, Lesa wa bene Isilaeli cakoolobesha.

2 Makani 20:13

Paciindi ico basankwa boonse bene Juda, bamakaabo abana babo bakalinga kwiimfwi kuŊanda yakwe Lesa.

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

1 Baami 8:22

Mpeeke bantu boonse kababweneeko, Solomoni wakaya weemikana kunembo lya cipaililo akunyamuna maansa

1 Baami 8:14

Bantu ndibakalinga kwiimfwi, mwaami Solomoni wakasanduluka walanga nkobakalinga kubete. Mpeeke wakabasengela shoolwe kuswa kuli Lesa.

Dutolonomi 28:58

“Na mubule kukonkela kabotu maswi a Milawo alembetwe mulibuku ili akutalemeka liina licite bulemu alimwi liyoosha lya Mwaami Lesa, Lesa wanu,

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulonga 15:6

“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.

1 Baami 8:15

Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,

Neyemiya 9:4

Bene Lefi bakatanta pacintu cakwiimikanaawo akupaila cakoolobesha kuMwaami Lesa, Lesa wabo. Meena a bene Lefi abo ngaaya: Jeshuwa, Bani, Kadimyelo, Shebaniya, Buni, Shelebiya, Bani alimwi aKenani.

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Boomboloshi 13:18

Munjelo uyo wakakumbula ayi, “Ino liina ndyanshi ndimusuni kwishiba? Liina lyangu lilakankamika.”

1 Makani 16:36

Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Lyalo bantu boonse bakaamba ayi, “Ameni,” akulemeka Mwaami Lesa.

Jobo 1:21

“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”

Kulumbaisha 66:2

Amwiimbe nyimbo shisumpula liina lyakwe lya bulemu. Amumupe bulemu akumulumbaisha.

Kulumbaisha 99:3

Bantu boonse balaakulumbaisha liina lyakwe lyankusu alimwi liyoosha. Lakwe ulisalalite!

Danyelo 2:20

mukwaamba ayi, “Aalumbaishikwe Lesa kwalyoonse alyoonse, Ncakwiila ulicite busongo ankusu shiinji.