Neyemiya 9:35 - Baibo Busansulushi Bwa Libuku Ili

³⁵ Mwakalinga kubapa coolwe mubulelo bwabo ee, ndibakalinga kwikala mucishi cinene cicite bulongo bubotu ico ncemwakabapa, sombi bakaalilwa kusanduka kuswa kushibiibi shabo akumusebensela.

Neyemiya 9:35 Referans Kwoze

Dutolonomi 28:47

Ceebo cakutasebensela Mwaami Lesa cakukondwa akusangalala uyo weshi akamupe coolwe mushintu shoonse,

Jelemiya 5:19

Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”

Neyemiya 9:25

Bantu banu bakakoma mandabala acite malinga acishi cicite bulongo bubotu. Bakabwesa maanda ayo akalinga kuswite buboni, mikalo yakakabilwa limwi, shisamu sha maolifi, shisamu shicata shisepo shimwi amyuunda ya minyansa. Bakalinga kulya cili coonse ncebasuni akwiina abuumbi. Bakasangalala abuumbi mushintu shibotu nshemwakabapa.

Dutolonomi 31:21

Mapensho aanji aakubapolela, lwiimbo ulu lulaakunokwiimbwa akuba bukamboni bwakubashinina, mukwiinga bamulunyungu lwabo teshi bakaluluube. Nebo ndishi shoonse nsheshi bakacite, nacibi kwaamba ayi nshina kubashisha mucishi ico ncendakashomesha cakulumbila kubapa.”

Neyemiya 9:34

Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.

Dutolonomi 28:48

mulaakusebensela balwani abo Mwaami Lesa mbweshi akatume ayi bamulwaane. Mulaakubula cakulya, maanshi alimwi ashakufwala, taaku cintu nabi comwi nceshi mukabaaco. Mwaami Lesa ulaakumupensha abuumbi kushikila akamunyonyoole.

Esekelo 5:6

Nakubi boobo ceebo cakubisha kwa bamundabala iyo bakaashukila milawo amilasho yangu kwiinda mishobo imwi ashishi isho shibashingulukite. Ncakwiila bakakaka milawo yangu alimwi tabakwe kukonkela milasho yangu.