Neyemiya 8:15 - Baibo Busansulushi Bwa Libuku Ili

¹⁵ Aboobo bakabapa milasho akutuma nkombe kumandabala abo oonse alimwi akuJelusalemu yakwaamba ayi, “Amuye kutulundu mukalete misampi ya shisamu sha maolifi akushanga, maolifi a muluundu, mushikili, tupukupuku aya shisamu shicite shimfule shibotu, kwaamba ayi muyakishe shimpaka kweelana ambocilembetwe muMilawo.”

Neyemiya 8:15 Referans Kwoze

Bene Lefi 23:40

Pabushiku ubo, mukayape shisepo shimwi shibotu abuumbi kuswa kushisamu shanu, mukateme malala alimwi amisampi icite matewu aanji, akutalika kusekelela ayi mundemeke nebo neMwaami Lesa, Lesa wanu.

Dutolonomi 16:16

“Anu basankwa boonse mumushobo wanu balyeelete kwisa kumusena womwi wakulambililaako mukulambila Mwaami Lesa, Lesa wanu mankanda otatwe mumwaaka. Nkokwaamba ayi ciindi cakusekelela bushiku bwa Pasika bwakwiibaluka kusotokela, pakusekelela kwaKutebula alimwi apakusekelela kwa Shimpaka. Umwi aumwi ulyeelete kuleta cipo

Bene Lefi 23:4

“Ono nshiku shakusekelela nsheshi mukaambilishe pashiindi sheelete, nsheeshi.

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.

Joni 12:13

Lyalo bakatema malala akumucinsha munshila, kabaya coolobesha ayi, “Alumbaishikwe Lesa! Aape coolwe kuli wooyo utoosa muliina lya Mwaami Lesa! Aape coolwe Mwaami wa Isilaeli!”

Mateyo 21:1

Ndibakashika pafwaafwi akuJelusalemu, bakashika kuBetefagi kuKalundu ka Olifi. Mpeeke Jesu wakatuma bashikwiiya bakwe bamwi bobilo

Matalikilo 8:11

Ndyeyakapiluka macolesha, yakaletelela aliteu lya olifi. Aboobo Nowa wakeshiba kwaamba ayi maanshi aceyaako.

Sekaliya 1:8

Mashiku mucili anga nciloto ndakabona musankwa kaatantite liaki lisalala. Wakesa weemikana mushisamu sha masompe mucinyika ca mulonga. Kwisule kwakalinga aamwi maaki asalala, acite shibala shisalala aatubabo tu.