Neyemiya 6:16 - Baibo Busansulushi Bwa Libuku Ili

¹⁶ Balwani besu boonse abamumishobo itushingulukite ndibakanyumfwa cikani ici, bakatyongola abuumbi ceebo bakeshiba kwaamba ayi mulimo uyo wakacitwa kwiinda mukucafwikwa aLesa.

Neyemiya 6:16 Referans Kwoze

Joshuwa 5:1

Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.

Kulumbaisha 126:2

Twakasekelela abuumbi. Twakeemba cakusangalala. Mishobo imwi yakatalika kwaamba ayi, “Mwaami Lesa wabacitila shintu shinene.”

Neyemiya 4:7

Ono Sanibalati, Tobiya, bene Alabu, bene Amoni abene Ashidodi ndibakanyumfwa kwaamba ayi kuyakulula lubumbu lwa Jelusalemu kwatolelela alimwi ashipense shamana kushinkwa, bakakalala abuumbi.

Neyemiya 4:1

Ono Sanibalati ndyaakanyumfwa ayi twatalika kuyakulula lubumbu, wakakalala abuumbi akutalika kutuseka.

Neyemiya 2:10

Ono Sanibalati mwine Beti Oloni alimwi aTobiya wacinenenene mucishi ca Amoni ndibakanyumfwa kwaamba ayi kwesa muntu mukusumpula buumi bwa bene Isilaeli, bakakalala abuumbi.

Milimo ya Batumwi 5:38

Ono kweelana amakani aya ngotucite, mutaciti cintu cibiibi nacibi comwi kubasankwa aba, amubalekebo. Na miyeeyo alimwi amilimo iyi njebatoocita nja bantu, ilaakwaala teshi ikatolelele.

Shakubelenga 23:23

Taaku buloshi kubamulunyungu lwakwe Jakobo, taaku buŋanga bweenga bwasebensa kubene Isilaeli. Ono bantu balaakwaamba pabene Isilaeli ayi, ‘Amubone Lesa nshaacita!’

Kulonga 14:25

Wakalengesha kwaamba ayi mawilo a shikoci shabo shankondo kucatwa cakwaamba ayi cakalinga ciyumu kweenda. Ndibakabona bobulya bene Ijipiti bakaamba ayi, “Mwaami Lesa utoolwaninako bene Isilaeli ayi tukomwe. Atusweemo muno!”

Neyemiya 6:17

Ciindi coonse ico bamatanjilili ba bene Juda bakalinga kulembelana makalata aTobiya.

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Joshuwa 2:9

akubaambila ayi, “Ndishi ayi Mwaami Lesa wakamupa cishi cino. Boonse bantu bekala mucishi cino baliloondete abuumbi ceebo ca ndimwe.

Joshuwa 2:11

Nditwakanyumfwa shikani ishi, soonse twakaloonda abuumbi ceebo ca ndimwe. Ncakwiila Mwaami Lesa, Lesa wanu, nguLesa wa kwiculu alimwi apacishi ca panshi.

Kulumbaisha 109:27

Balwani bangu abeshibe ayi ndyaansa lyanu lyakamfuna. Ee, abeshibe kwaamba ayi ndimwe noBaami baLesa, mwakancafwa.

Kulumbaisha 129:5

Bantu boonse bapatite Siyoni, bakomwe akutandaanishikwa cilensha nsoni.

Kulumbaisha 147:2

Mwaami Lesa utooboosha Jelusalemu mbwaakalinga. Utooyobolola bene Isilaeli bakalinga mushishi shabusha.