Neyemiya 6:14 - Baibo Busansulushi Bwa Libuku Ili

¹⁴ Mpomunyaawo ndakapaila ayi, “NobaLesa bangu, amwiibaluke shakacita Tobiya aSanibalati akubapa mulandu. Amwiibaluke amulaluki mwanakashi Nowadiya pantu pomwi abalaluki bamwi abo bakalinga kusuni kunoondesha.”

Neyemiya 6:14 Referans Kwoze

Neyemiya 13:29

NobaLesa bangu, amwiibaluke bantu aba mbobakabisha bupailishi acipangano ca bupailishi aca bene Lefi.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

1 Joni 5:16

Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.

2 Timoti 3:8

Mbweeke Janesi aJambulesi mbobakapikisha Mose, abalo balapikisha shalushinisho.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Mateyo 24:11

Kulaakwisa balaluki baanji babeshi abo beshi bakabece bantu baanji.

Mateyo 7:15

“Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.

Jelemiya 28:15

Mpomunyaawo nebo neJelemiya ndakaambila Ananiya mulaluki ulya ayi, “Nyumfwa webo Ananiya! Mwaami Lesa taakwe kukutumaawo, sobwe. Sombi webo walengesha bantu aba kushoma makani abubeshi.

Jelemiya 28:10

Kuswawaawo Ananiya mulaluki wakakusha lijoko munshingo yangu nebo neJelemiya akulityoloola.

Jelemiya 28:1

Mumweenshi wasanu mumwaaka weenka uyo, mwaaka wane wa bwaami bwakwe Sedekiya mwaami wa bene Juda, Ananiya mulaluki mwanaakwe Asuwa wa kuGibyoni wakandwiita muŊanda ya Mwaami Lesa pameenso a bapailishi abantu boonse ayi,

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 14:15

Paceebo ceeco Nebo neMwaami Lesa, pabalaluki abo balalukila muliina lyangu, ntokwaamba ayi, ‘Nshikwe kubatumaawo nabi batokwaamba ayi taaku nkondo nabi nsala yeshi ikashike mucishi cino.’ Balaluki mbomunya abo balaakuloba munkondo ansala.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Kulumbaisha 22:1

“NobaLesa bangu, nobaLesa bangu, ino nciinshi ncemwandekeleshesha?” Nceebonshi ncemutoobula kuncafwila? Ceebonshi tamutoonyumfwa kutongela kwangu?

Neyemiya 5:19

NobaLesa bangu, amwiibaluke shintu nshendakacitila bantu aba akumpa shoolwe shiinji.

Kulonga 15:20

Mpomunyaawo Milyamu mulaluki mwanakashi, nankashi yakwe Aloni wakabwesa musebe, mpeeke banakashi boonse bakatalika kulisha akushana.

Kulumbaisha 137:7

NoBaami baLesa, amwiibaluke shakacita bene Edomu bushiku bulya bwakanyonyoolwa Jelusalemu. Amwiibaluke mbobakalinga kwaamba ayi, “Amwiimwaaye, amwiimwaaye tibili akulwiimbi!”