Neyemiya 6:13 - Baibo Busansulushi Bwa Libuku Ili

¹³ Bakamulipila maali kwaamba ayi anoondeshe ayi mbishe mukucita ncaakaamba. Bakacita boobo kwaamba ayi babishe liina lyangu akunensha nsoni.

Neyemiya 6:13 Referans Kwoze

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jemusi 4:17

Kulilabo muntu ushi nshaaelete kucita ono kaatashiciiti, ulabisha.

2 Timoti 1:7

Ceebo Mushimu Lesa ngwaakatupa tootulengeshi kuba aboowa, sombi ulatupa nkusu, lusuno akulitibuka.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Tushimpi 29:5

Uyo utondesha mubye lusuno lwakubeca ulaliteya koose mwiine.

Neyemiya 6:6

umo mwakalinga kulembetwe ayi, “Canyumfwika pakati ka mishobo, alakwe Geshemu wakaamba ayi webo abaJudanyoko mutooyeeya kubukila mwaami wa kuPesha. Anu nceceeco ncootooyakulwita lubumbu. Twanyuumfwa alimwi ayi ndiwe utooyanda kuba mwaami wabo

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Taitasi 2:8

Kosebensesha maswi abotu atakoonshi kutongookwa, kwaamba ayi abo bakupikisha banyumfwe nsoni mukubula cibiibi cakwaamba pali ndiswe.

1 Timoti 5:14

Nceceeco nceensunini ayi bamukalubinje banakashi bacanike beebwe, babe abaana akubamba maandaabo kwaamba ayi balwani besu babule pakutubekeshesha.

2 Bene Kolinto 11:12

Ntootolelela kucita nceentoocita bulya kwaamba ayi bamwi babule ceebo cakulilumbaisha, akwaamba ayi balacita mulimo uyu bweenka mbuli ndiswe.

Milimo ya Batumwi 6:13

Lyalo bakaleta bakamboni babeshi abo bakesa mukwaamba ayi, “Uyu muntu lyoonse ulaamba makani akucobola Ŋanda yakwe Lesa isalalite alimwi aMilawo yakwe Mose.

Mateyo 26:59

Bamatanjilili ba bapailishi alimwi abaabo boonse beendelesha munkuta, bakalinga kuyandoola bukamboni bwakubekesha Jesu kwaamba ayi bamucanine mulandu wakumucailaawo.

Mateyo 22:15

Ono baFalisi bakanyamuka kuya mukulifuyafuya ayi bacate Jesu kwiinda mukwaamba kwakwe.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Esekelo 2:6

“Ono webo omuntu, utabaloondi nabi kututuma kusheesho nshebaamba. Utaloondi nakubi kwaamba ayi shisonsoonya amyuumfwa shoonse shilikushingulukite alimwi bwikaalo bwako buli anga uli pakati ka ntalaŋongo. Utaloondi nshebaamba nabi kuloonda mbabo nakubi kwaamba ayi mbaashu.

Jelemiya 1:17

“Ono libambile! Nyamuka uye ubalwiite shoonse nsheshi nkulwiite. Utabaloondi, sobwe ceebo nebo inga ndakulengesha kuba aboowa pameenso abo.

Isaya 57:11

Ono Mwaami Lesa waamba ayi, “Anu mbalesanshi abo bamulenga boowa cakwaamba ayi nebo kamumbeca akundubililaakobo limwi? Sa nceebo cakwaamba ayi ndoomuna bunene ncemwacilekela kunoonda?

Isaya 51:7

“Ono Amukutike mwebo nomwishi shiluleme, mukutike mwebo nomweenda amilawo yangu mumyoyo yanu. Mutanooloonda na bantu banoomupensha akumucobola.

Shikushimikila 7:1

Mpuwo ibotu ileenda pamafuta anunkila kabotu, abushiku bwakufwa mbubotu kwiinda bushiku bwakushalwa.

Tushimpi 22:1

Ncibotu kuba ampuuwo ibotu kwiinda kuba abubile buunji. Kulemekwa nkubotu kwiinda silifa nabi golodi.

Neyemiya 6:12

Lyalo ndakabona kwaamba ayi teshi Lesa wakamutuma, sombi wakaamba maswi aya ceebo Tobiya aSanibalati bakamupa makulo.