Neyemiya 3:15 - Baibo Busansulushi Bwa Libuku Ili

¹⁵ Shalumu mwanaakwe Koluwose, mweendeleshi wa cishi ca Misipa wakayakulula Mwinjililo wa Kantupu. Wakaubika ciluli akubika shisasa, shakupingilaamo ampingilo mumisena ya nshisho. KuKashiba ka Siloamu wakayakulula lubumbu pafwaafwi amuunda wa mwaami kushikila akushakuselukilaawo kuya kuNdabala inene yakwe Defedi.

Neyemiya 3:15 Referans Kwoze

Joni 9:7

Lyalo wakamwaambila ayi, “Koya ukasambe kumeenso mulishiba lya Sailomu.” (Ili liina lilaamba ayi, “Kutumwa.”) Aboobo musankwa uyo wakaya wasamba akuboolela kaabona.

Isaya 8:6

“Ceebo cakwaamba ayi bene Isilaeli bakaka maanshi akalikene muKalonga ka Shilowa akusangalala mumwaami Lesini alimwi amuli Peka mwanaakwe Lemaliya,

Neyemiya 12:37

Ono kuMwinjililo wa Kantupu bakalulama kuNdabala yakwe Defedi pamatantilo a njiyo, baya mukwiinda kuŋanda ya bwaami yakwe Defedi akuboola kulubumbu paMwinjililo wa Maanshi uli kwicwe lya ndabala.

Luka 13:4

Ino abo bantu bali likumi abosanwe alimwi abotatwe ndibakawitwa ŋanda ilaamfu ya maanda peculu kuSailomu, mutooyeeya ayi bakalinga kubisha kwiinda bantu boonse bakalinga kwikala muJelusalemu?

Neyemiya 2:14

Mpeeke kuswa kwicwe lya ndabala ndakaya kuMwinjililo wa Kantupu akuKashiba ka Mwaami. Sombi tekwakalinga musena wakwaamba ayi mbongolo njendakalinga kutantite yiindeewo.

Jelemiya 40:6

Aboobo nebo neJelemiya ndakaya kuli Gedaliya kuMisipa akwikalaakwe pantu pomwi abantu abo bakacaala mucishi.

Neyemiya 3:14

Malukija mwanaakwe Lekabu, mweendeleshi wa cishi ca Beti Akelemu wakayakulula Mwinjililo wa Ntantaala. Wakabika shisamu sha nguwo, shisasa, shakupingilaamo ampingilo mumisena ya nshisho.

Neyemiya 3:12

Shalumu mwanaakwe Aloyeshi, mweendeleshi wa cipansha cimwi ca musa wa Jelusalemu wakayakulula cipansha ca lubumbu cakakonkelaawo. Bana bakwe banakashi bakamucafwa.

Neyemiya 3:9

Lefaya mwanaakwe Uli, mweendeleshi wa cipansha ca musa wa Jelusalemu wakayakulula cipansha ca lubumbu cakakonkelaawo.

Neyemiya 3:7

Melatiya wa kuGibyoni aJadoni wa kuMelonoti, abasankwa bene Gibyoni aMisipa bakayakulula cipansha ca lubumbu cakakonkelaawo kushikila akuŋanda ya mweendeleshi wakwitala lya Mulonga wa Yufuletisi.

2 Makani 32:30

Mwaami Esekiya ngowakashinkila Kantupu ka Giyoni akulengesha maanshi kukunkila kumbo lya Ndabala ya Defedi. Wakaswitilila mushintu shoonse nshaakacita.

2 Baami 25:4

Mpeeke bakatulula cilyango mulubumbu lwa ndabala. Nakubi kwaamba ayi bashilumamba bene Babiloni bakalinga kushingulukite ndabala inene iyo, bashilumamba bene Juda boonse bakamana kuloboka ciindi ca mashiku. Bakeenda mumuunda wa bwaami akuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

Boomboloshi 20:3

Paciindi ceenka ico bene Benjameni bakanyumfwa ayi bene Isilaeli bamwi bali kuMisipa. Mpeeke bene Isilaeli bakeepusha mwine Lefi ulya ayi, “Tulwiite cintu ici cilensha nsoni mbocakacitika.”

Boomboloshi 20:1

Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.

Neyemiya 2:17

Mpeeke ndakabaambila ayi, “Mwabona mapensho ngotubeteemo? Ndabala ya Jelusalemu ilimwayulwitwe aminjililo ya njiyo yakapya. Amwise tuyakulule lubumbu lwa Jelusalemu kwaamba ayi tumane musebaanyo ngotucite.”

Neyemiya 3:19

Esa mwanaakwe Jeshuwa, mweendeleshi wa kuMisipa, wakayakulula cipansha ca lubumbu cakakonkelaawo kunembo lyaŋanda yakulaminamo shakulwanisha kushikila apalikonko lya lubumbu.

Shikushimikila 2:6

Ndakapanga shishiba sha maanshi akutilila shisamu isho nshendakashanga.

2 Samwelo 5:9

Mpeeke Defedi wakaya mukwikala mundabala ya mulilinga iyo akwiitumba ayi Ndabala yakwe Defedi. Lyalo wakayaka ndabala ya Jelusalemu kushinguluka lilinga. Wakatalikila kuMilo akuya mukushika kulilinga.