Neyemiya 13:22 - Baibo Busansulushi Bwa Libuku Ili

²² Lyalo ndakaambila bene Lefi ayi balisalashe akuya mukulindilila minjililo kwaamba ayi bushiku bwakookesha bwa Cibelu bulamwe cakubusalasha. NobaLesa bangu, amunjibaluke pacikani ici acalo akunyumfwila nkumbu kweelana alusuno lwanu lunene.

Neyemiya 13:22 Referans Kwoze

Neyemiya 12:30

Lyalo bapailishi abene Lefi bakalisalasha kweelana aMilawo, pantu pomwi abantu, minjililo alimwi alubumbu lwa ndabala inene iyo.

Neyemiya 13:14

NobaLesa bangu, kamunjibaluka pashintu shoonse nshendakacitila Ŋanda yanu akulambila kwakalinga kuba kooko.

Neyemiya 13:31

Ndakabamba shakuleta nkuni paciindi ceelete shakusebensesha pakutenta milambu alimwi akwaambila bantu kunooleta nsomo sha shili anga ngamaila ansoomo sha shisepo. NobaLesa bangu, kamunjibaluka akunoonyumfwila nkumbu.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 38:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Kulumbaisha 130:7

Nobene Isilaeli amucinke manungo muMwaami Lesa, ceebo lusuno lwakwe talumaani. Ndushinisho lakwe ngoolibambite kutupulusha lyoonse.

Kulumbaisha 51:1

NobaLesa amunyumfwile nkumbu kweelana alusuno lwanu lutamaani. Ee, kweelana ankuumbu shanu shiinji amushiminganye milandu yangu yoonse.

Kulumbaisha 5:7

Sombi mulusuno lwanu lunene ndakonsha kwinjila muŊanda yanu, ndakonsha kulambila muŊanda yanu Isalalite, akukotamina ndimwe mukumulemeka.

Neyemiya 12:10

Jeshuwa wakashala Joiyakimu, Joiyakimu wakashala Eliyashibu, Eliyashibu wakashala Joiyada,

Neyemiya 5:19

NobaLesa bangu, amwiibaluke shintu nshendakacitila bantu aba akumpa shoolwe shiinji.

2 Makani 29:30

Lyalo mwaami Esekiya abamatanjilili bakwe bakaambila bene Lefi ayi balumbe Mwaami Lesa mumaswi akwe Defedi aakwe Asafu mulaluki. Mpomunyaawo bakeemba nyimbo shakulumbaisha cakusangalala kabafukeme alimwi kabalambila Lesa.

2 Makani 29:27

Mpomunyaawo Esekiya wakaambilisha ayi mulambu wakutenta ubengwe pacipaililo. Ndibakamana kubenga mulambu uyo bakatalika kwiimbila Mwaami Lesa, kabalisha mapeenga ashakulisha shimwi isho Defedi mwaami wa bene Isilaeli nshaakalinga kusebensesha.

2 Makani 29:24

Lyalo bapailishi bakacaya mpongo isho akutila bulowa bwa nshisho pacipaililo ayi ngumulambu wakulekelelwa shibiibi sha bantu boonse. Bakacita boobo mukwiinga mwaami wakaambilisha ayi bene Isilaeli boonse babengelwe milambu yakutenta alimwi ayakulekelelwa shibiibi.

2 Baami 23:4

Lyalo Josiya wakaambila Ilikiya mupailishi munene, bapailishi bakalinga kucafwa mupailishi munene alimwi abaabo bakalinga kulindilila kumwinjililo wa Ŋanda yakwe Lesa ayi balete shintu shoonse isho nshebakalinga kusebensesha pakulambila Baali, Ashela lesa mwanakashi alimwi anyenyeenshi. Mpeeke mwaami wakatenta shintu isho shoonse kunsengwe lya ndabala ya Jelusalemu, pafwaafwi aCinyika ca Kidiloni. Lyalo wakabwesa milota akwiitola kuBetelo.

Dutolonomi 5:12

“ ‘Ingashila bushiku bwangu bwakookesha bwa Cibelu alimwi akubusalasha kweelana ambondakaamba nebo neMwaami Lesa, Lesa wanu.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.