Neyemiya 13:13 - Baibo Busansulushi Bwa Libuku Ili

¹³ Lyalo ndakabika bantu ayi banoolanga pamaanda akusungilako shintu, nkokwaamba ayi Shelemiya mupailishi, Sadoki mufundishi wa Milawo alimwi aPedaya mwine Lefi. Ndakabika Anani mwanaakwe Saka, mwishikulu wakwe Mataniya ayi anoobacafwa. Bakabikwa pamulimo wakwaabila bamakwababo shintu isho ceebo bakalinga kushomeka.

Neyemiya 13:13 Referans Kwoze

Neyemiya 7:2

Ndakabika mukwesu Anani kunokweendelesha Jelusalemu pantu pomwi aAnaniya mutanjilili wa ciyubilo ca bashilumamba. Ananiya wakalinga muntu ushomeka alimwi ulemeka Lesa kwiinda bantu bamwi boonse.

2 Baami 22:7

Ono mbobashomeka kale, tabeelete kulemba mbweshi bakasebenseshe maali ayo, sobwe.”

1 Bene Kolinto 4:2

Ono ciyandikabo kubakapekwa mulimo uyu nkwaamba ayi bashomeke kumwaami wabo.

Milimo ya Batumwi 6:3

Anu nobamakwesu, amusale basankwa bali bosanwe abobilo kuswa mulikoto lyanu, abo bashibikitwe ayi baliswite Mushimu Usalashi alimwi mbasongo kwaamba ayi tubape mulimo uyu.

Milimo ya Batumwi 6:1

Munshiku isho bashomi bakalinga kuya cifula. Paceebo ceeco baJuda baamba ciGiliki, bakalinga kutongooka ayi baJuda baamba ciJuda, tebakalinga kwaabanya kabotu maali akuula shiyandika lyoonse, kubanakashi bamukalubinje ba mushobo wabo.

Neyemiya 12:44

Lyalo paciindi ici basankwa bakasalwa kunokweendelesha maanda akusungilamo shipo, shisepo shitaanshi ashalikumi. Bantu aba bakaba amulimo wakuyobolola shipansha sha bapailishi asha bene Lefi kuswa mumandabala kweelana abwaamba Milawo. Bapailishi abene Lefi bakasangalasha bene Juda boonse

2 Baami 12:15

Bamanene ba beshikubambulula bakalinga kushomeka cakwaamba tecakalinga akuyandika kubona maali mbwaakalinga kweenda.

1 Timoti 3:10

Balyeelete kutaanguna kubabona kabotu, lyalo na babula kwaalilwa, mubape mulimo wakucafwa.

1 Timoti 1:12

Ndamulumba Klistu Jesu Mwaami wesu uyo wakampa nkusu, mukwiinga wakayeeya ayi ndashomeka akunsala ayi musebensele.

Milimo ya Batumwi 4:35

Maali ayo akalinga kupekwa mumaansa a batumwi abo bakalinga kwaabanya bantu kweelana akupenga kwabo.

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

Neyemiya 12:35

alimwi abapailishi bamwi bakalinga kucite mapeenga. Alakwe Sekaliya mwanaakwe Jonasani mwishikulu wakwe Shemaya, Shemaya wakalinga mwanaakwe Mataniya, Mataniya wakalinga mwanaakwe Mikaya, Mikaya wakalinga mwanaakwe Sakuwa, Sakuwa wakalinga mwanaakwe Asafu.

Neyemiya 11:22

Mutanjilili wa bene Lefi kuJelusalemu nguUsi mwanaakwe Bani mwishikulu wakwe Ashabiya. Ashabiya wakalinga mwanaakwe Mataniya, Mataniya wakalinga mwanaakwe Mika. Usi wakalinga wamucipani cakwe Asafu ico cakalinga kucite mulimo wakwiimba muŊanda yakwe Lesa.

Neyemiya 10:12

Sakuwa, Shelebiya, Shebaniya,

Neyemiya 8:4

Esila mufundishi wa Milawo wakatanta pacintu cakwiimikanaawo pakwaamba ca shisamu ico ncebakapangila mubala uyo. Kulubasu lwakwe lwalulyo kwakeemikana Matitiya, Shema, Anaya, Uliya, Ilikiya alimwi aMaseiya. Kulubasu lwakwe lwa cipiko kwakeemikana Pedaya, Mishaelo, Malukija, Ashumu, Ashibadana, Sekaliya alimwi aMeshulamu.

Neyemiya 3:30

Ananiya mwanaakwe Shelemiya aAnuni mwanaakwe Salafu wasanu awomwi bakayakulula cipansha ca lubumbu cakakonkelaawo. Cipansha ico balo cakalinga cabili. Meshulamu mwanaakwe Belekiya wakayakulula cipansha ca lubumbu cakakonkelaawo ico cakalinga kunembo lya ŋanda yakwe.

Neyemiya 10:38

Alakwe mupailishi wa mulunyungu lwakwe Aloni ulyeelete kushindikila bene Lefi ciindi banoopekwa shalikumi. Abalo bene Lefi balyeelete kuleta calikumi ca shalikumi kuŊanda yakwe Lesa akucibika muŋanda yakusungilamo shintu.

2 Baami 12:16

Maali akalinga kubengwa ayi ncipo cakumana mulandu acipo cakulekelelwa shibiibi taakalinga kubikwa mulibokoshi ilyo. Sombi akalinga kupekwa kubapailishi.