Neyemiya 10:37 - Baibo Busansulushi Bwa Libuku Ili

³⁷ Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

Neyemiya 10:37 Referans Kwoze

Bene Lefi 23:17

Bantu bamuŋanda yomwi balyeelete kuleta shinkwa wobilo akubenga kuli ndime neMwaami Lesa ayi ncipo cakutambeeka. Shinkwa womwi awomwi ulyeelete kupangwa kumakilogilamu obilo a fulaulo usenkene acimena, alimwi akubengwa kuli ndime neMwaami Lesa ayi ncipo ca fulaulo shataanguna kutebulwa.

Shakubelenga 18:21

Mpeeke Mwaami Lesa wakaamba ayi, “Bene Lefi ndabapa calikumi coonse ncebandetela bene Isilaeli, ayi ngomalipilo pamulimo ngobacita muTente ya Cipangano.

Neyemiya 13:9

Mpomunyaawo ndakapa mulawo wakusalasha shipinda akwinjishamo shisebensesho sha Ŋanda yakwe Lesa, shipo sha shili anga ngamaila alimwi atununkila kabotu pakutenta.

Neyemiya 13:5

Aboobo wakamupa cipinda cinene umo kalekale mwakalinga kusungilwa shipo sha shili anga ngamaila, tununkila kabotu pakutenta, shisebensesho, shalikumi sha shili anga ngamaila, waini upya alimwi amafuta a maolifi isho shakalinga kupekwa kubene Lefi, beshikwiimba, beshikulindilila minjililo alimwi ashipo sha bapailishi.

Dutolonomi 26:2

noonse womwi awomwi ulyeelete kubwesa mutaanga akulongelamo shilimwa shoonse nsheshi mukataangune kutebula mubulongo buli mucishi ico Mwaami Lesa, Lesa wanu ncaatoomupa. Lyalo mukatole kumusena womwi wakulambililaako uko Mwaami Lesa nkweshi akasaale.

Dutolonomi 18:4

Mulyeelete kunoobapa shili anga ngamaila shanu shitaanshi kutebulwa, waini utaanshi, mafuta a olifi ataanshi abooya bwa mbelele butaanshi kuceswa

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Malaki 3:8

Anebo ntoomwiipusha ayi, ‘Sa ncibotu muntu kupamba Lesa?’ Ncakwiila teshi cibotu! Nakubi boobo mwebo mulampamba. Sombi muleepusha ayi, ‘Munshilanshi?’ Mulampamba mushalikumi ashipo.

2 Makani 31:6

Bene Isilaeli boonse abene Juda abo bakalinga kwikala mumandabala a muJuda bakaleta shalikumi sha ŋombe shabo ambelele kubikaawo ashalikumi sha shintu shisalalite isho nshebakabenga kuMwaami Lesa, Lesa wabo. Mpeeke bakashibunjika mumilwi.

Bene Loma 11:16

Na muntu wapa Lesa kapansha ka shinkwa kakutaanguna ingayi shinkwa woonse ngwakwe Lesa. Na muntu wapa Lesa muyanda wa cisamu, nkokwaamba ayi amisampi yoonse njakwe Lesa.

Dutolonomi 14:22

“Mukanoobika palubasu calikumi pashintu shoonse nsheshi mukanookusha mumyuunda yanu myaaka yoonse.

Neyemiya 13:10

Ndakacana alimwi ayi shipansha sheelete kupekwa bene Lefi, teshakalinga kupekwa kuli mbabo. Aboobo beshikwiimba abene Lefi bamwi bakaboolela womwi awomwi kumuunda wakwe.

Neyemiya 13:12

Lyalo bene Juda boonse bakatalika kuleta calikumi ca shili anga ngamaila, waini alimwi amafuta a olifi kumaanda akusungilako shintu kuŊanda yakwe Lesa.

Kulonga 13:2

“Amubenge baana basankwa bakwiiya boonse kuli ndime, mukwiinga mwaana musankwa wakwiiya woonse mwine Isilaeli alimwi amwaana musankwa woonse wakwiiya wa shifubwa, boonse mbaangu.”

Kulonga 13:12

anu mulyeelete kubenga mwaana musankwa woonse wakwiiya kuMwaami Lesa. Alimwi mwanaacifubwa canu coonse musankwa wakwiiya ngwa Mwaami Lesa.

Shakubelenga 18:15

“Woonse mwaana wakwiiya wa muntu nabi wa munyama uyo wabengwa kuli ndime neMwaami Lesa, ngwanu. Sombi baana bakwiiya boonse ba bantu alimwi abanyama bakwiiya boonse batasalalite kweelana aMilawo balyeelete kunoolubulwa.

Shakubelenga 18:18

Yalo nyama njanu, bweenka mbuli ntiti alimwi amweendo wakatako walulyo pamulambu wakutambeeka.