Neyemiya 10:32 - Baibo Busansulushi Bwa Libuku Ili

³² Mwaaka amwaaka womwi awomwi pakati kesu unanoopa magilamu a silifa ali osanwe akusebenseshekwa mumulimo wa kuŊanda yakwe Lesa.

Neyemiya 10:32 Referans Kwoze

Matalikilo 28:22

Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

Tushimpi 3:9

Lemeka Mwaami Lesa abuboni bwako boonse ansoomo sha shisepo sha mumuunda wako.

Kulonga 23:11

Sombi mumwaaka wasanu ayobilo, tamweelete kulimaamo alimwi akutebula cintu nabi comwi ceshi cikamene mumo. Bakandu inga balya shili mumyuunda umo, abalo banyama bamuluundu inga balya nsheenga shacalaamo. Mulyeelete kucita mbomunya ubo mumyuunda yanu ya minyansa alimwi aya shisamu sha olifi.

1 Makani 26:27

Bakabwesa shintu nshebakasaala munkondo akushibenga kuli Lesa ayi shikasebenseshekwe muŊanda yakwe Lesa.

Neyemiya 5:10

Nebo, mbondakalinga kusebensaabo abasebenshi bangu, twakasumina kunoobakweletesha maali ashili anga ngamaila. Ono atucileeke kubasesa shikwelete isho.

Neyemiya 9:14

Mwakabeeisha kusalasha bushiku bwakookesha bwa Cibelu. Kwiinda mumusebenshi wanu Mose mwakabapa milawo amilasho yanu.

Neyemiya 13:15

Munshiku isho ndakabona bantu bamwi mucishi ca Juda bakalinga kutyana minyansa pabushiku bwakookesha bwa Cibelu. Bamwi bakalinga kubika shili anga ngamaila, waini, minyansa, inkuyu ashimwi shintu pambongolo shabo akutola kuJelusalemu. Ndakabacenjesha ayi batanokuulisha cintu cili coonse pabushiku bwakookesha bwa Cibelu.

Neyemiya 13:18

Ici ncemutoocita ncecakacita bamashali banu bakulukulu akulengesha Lesa kuleta mapensho pali ndiswe apandabala yesu inene. Ono mutoosonkomona bukali bwakwe Lesa kwisa pabene Isilaeli mukunoolengesha bushiku bwakookesha bwa Cibelu kutasalala.”

Neyemiya 13:21

Sombi ndakabacenjesha ayi, “Ino nciinshi ncemoonena pansengwe lya lubumbu kulindila ayi buce? Na mukaciboosheewo, ndaakumuuma.” Kuswa bushiku ubo, tabana kwisawo kale pabushiku bwakookesha bwa Cibelu.