Mika 6:4 - Baibo Busansulushi Bwa Libuku Ili

⁴ Ndakamukusha kuswa kuIjipiti, ee, ndakamulubula kuswa kucishi ca busha. Ndakamutumina Mose, Aloni aMilyamu kwaamba ayi bamutanjilile.

Mika 6:4 Referans Kwoze

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.

Kulonga 12:51

Pabushiku bweenkoobo, Mwaami Lesa wakakusha mikowa ya bene Isilaeli mucishi ca Ijipiti.

Amosi 2:10

“Mwebo ndakamukusha mucishi ca Ijipiti akumwiinsha mucishi citacite maanshi kwamyaaka makumi one kwaamba ayi nkamupe cishi ca bene Amoni.

Jelemiya 32:21

Mwakaloondesha balwani besu kwiinda mukucita shitondesho sha nkusu sha kwiculu ashaankamiko. Munshila iyo mwakasebensesha nkusu shanu kukusha bene Isilaeli bantu banu muIjipiti.

2 Samwelo 7:23

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi abalesa ba njiyo kuswa kunembo lya bantu banu. Ee, bantu abo mbomwakafuna kuswa mucishi ca Ijipiti ayi babe bantu banu.

Shakubelenga 12:1

Ono Milyamu aAloni bakatalika kutongookela Mose ceebo wakeeba mwanakashi mwine Kushi.

Kulonga 20:2

“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Milimo ya Batumwi 7:36

Mose wakatanjilila bantu aba pakuswa muIjipiti. Wakacita shaankamiko alimwi ashitondesho sha nkusu sha kwiculu muIjipiti, paLweenge Lusalala alimwi amuluyanga myaaka ili makumi one.

Kulumbaisha 77:20

Mwakatanjilila bantu banu anga nditanga lya mbelele, Mwakabatanjilila kwiinda muli Mose aAloni.

Dutolonomi 24:18

Mulyeelete kwiibaluka ayi mwakalinga basha mucishi ca Ijipiti, ono Mwaami Lesa, Lesa wanu ngwakamufuna. Nceceeco ncendamupeta mulawo uyu.

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Dutolonomi 9:26

Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.

Dutolonomi 5:6

‘Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Kulonga 4:16

Lakwe ngweshi ukanokwaambilaako kubantu. Ono webo ulaakuba anga nguLesa ceebo ulaakunoomulwiita shakwaamba.

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Kulonga 3:10

Ono ntookutuma kumwaami Falawo wa kuIjipiti kwaamba ayi ukatanjilile bantu bangu kuswa mucishi cakwe.”

Kulonga 4:10

Sombi Mose wakaamba ayi, “NoBaami baLesa nebo kuswabo kalekale nshaambiwo kabotu, alimwi ampomwatalikila kwaamba anebo, poonse nshintokwaambawo kabotu. Ndacelwa kuposha shikani alimwi ndicite kamaama.”

Shakubelenga 33:1

Meena a misena iyo bene Isilaeli mobakalinga kuyakila misumba, paciindi ico ndyebakaswa mucishi ca Ijipiti mumikowa yabo, kwiinda mubutanjilili bwakwe Mose aAloni, ngaaya.

1 Samwelo 12:6

Mpeeke Samwelo wakabaambila ayi, “Mwaami Lesa ngowakasala Mose aAloni alimwi ngowakakusha bamashali banu bakulukulu muIjipiti.

Kulonga 6:27

Basankwa abo mbobakaambila Falawo mwaami wa mucishi ca Ijipiti ayi asuminishe bene Isilaeli kuswa mucishi cakwe.