Mateyo 9:23 - Baibo Busansulushi Bwa Libuku Ili

²³ Ono Jesu ndyaakashika kuŋanda ya mutanjilili, wakabona bantu beshikulisha mapeenga abantu baanji kabalila.

Mateyo 9:23 Referans Kwoze

2 Makani 35:25

Mpomunyaawo Jelemiya mulaluki wakapanga lwiimbo lwakulila mwaami Josiya. Bulya cakashibila beshikwiimba mucishi ca Isilaeli, basankwa abanakashi, kwiimba lwiimbo ulo ciindi coonse ndibamulila. Lwiimbo ulo lulacanika mumabuku anyimbo sha malila.

Milimo ya Batumwi 9:39

Mpomunyaawo Pita wakalibambila akuyaabo. Ndyaakashika, bakamutola mucipinda ca peculu umo bamukalubinje banakashi mobakamushinguluka kabalila. Lyalo bakatalika kumubonesha minjila ashakufwala sha peculu shakatunga Dokasi kaacili muumi.

Luka 7:32

Bali anga mbanike bashiite pamusena wakuulishisha kaboolobeshanya ayi, ‘Twakamulishisha ngoma, sombi mwebo tamukwe kushana. Twakamwiimbila nyimbo sha buumba, sombi mwebo tamukwe kulila!’

Mateyo 11:17

‘Twakamulishisha ngoma, sombi mwebo tamukwe kushana. Twakamwiimbila nyimbo sha buumba, sombi mwebo tamukwe kulila.’

Jelemiya 16:6

Babile abakandu boonse balaakufwitabo pantu pomwi mucishi ici. Teshi bakabikwewo nabi kulilwa, alimwi taakuuwo nabi womwi weshi akalinengoole nabi kulikulula mumutwi ceebo ca malilo.

Esekelo 24:17

Ukanooshinshimukabo cakutanyumfwika alimwi kuteelesha kulila mufu. Utakafuuli cisani ncoofwala kumutwi nabi kufuula nkwabilo shako. Utakalifwekiwo pamulomo nabi kulya shakulya shilikwabo pamalilo.”

Milimo ya Batumwi 20:10

Mpomunyaawo Paulo wakaselukila panshi akutandabala pamubili wa musankwa uyo akumufukata. Lyalo wakabaambila abo bakalingaawo ayi, “Mutoongumani, waba kabotu!”

Ciyubululo 18:22

Maswi a beshitulumbu abeshikwiimba, beshimitolilo alimwi a beshimapeenga teshi bakanyumfwikeewo alimwi muli ndiwe! Taaku musebenshi wa mulimo uli woonse eshi akacanike muli ndiwe alimwi. Teshi mukanyumfwikeewo akulila kwa mpelo muli ndiwe alimwi!