Mateyo 9:18 - Baibo Busansulushi Bwa Libuku Ili

¹⁸ Jesu ndyaakalinga kucaamba, kwakesa mutanjilili umwi wa coonde ca baJuda, wafukama kunembo lyakwe akwaamba ayi, “Mwanaangu mwanakashi wafwabo onoono. Ntoomusenga kwaamba ayi mwise mubike maansaanu pali nguwe, lyalo utooba abuumi alimwi.”

Mateyo 9:18 Referans Kwoze

Mateyo 8:2

Lyalo muntu mulwashi manata wakesa wafukama kuli Jesu akwaamba ayi, “Nkambo, na kamusuni inga mwanshilika.”

Luka 13:14

Mpomunyaawo munene wa mucoonde wakakalala abuumbi ceebo Jesu wakashilika pabushiku bwakookesha bwa Cibelu. Mpeeke wakaambila bantu ayi, “Kuli nshiku shosanwe abomwi nshetweelete kusebensa. Aboobo munoosa munshiku isho mukuba kabotu, kuteshi pabushiku bwakookesha, sobwe!”

Joni 11:32

Maliya ndyaakashika pamusena pakalinga Jesu, ono ndyaakamubona, wakafukama muliimfwa lyakwe akwaamba ayi, “Nkambo, nemwalingaako naakwiinga nandumi yangu taafwi.”

Mateyo 9:24

Peenka wakabaambila ayi, “Amuswe ceebo mulindu uyu taafwite, uliletebo.” Sombi boonse bakamuweluluka.

2 Baami 5:11

Sombi Naamani wakakalala akuswaako bukali akwaamba ayi, “Nebo ndalinga ndayeeya ayi utoosa eemikane kuli ndime, kupaila kuMwaami Lesa, Lesa wakwe, kutandabika lyaansa lyakwe pamusena wa bulwashi akubushilika!

Milimo ya Batumwi 13:15

Ndyaakamana kubelengwa maswi amwi a muMilawo yakwe Mose, alimwi amumalembo a balaluki bakulukulu bamwi, beendeleshi ba coonde bakatuma maswi akwaamba ayi, “Nobamakwesu, na mulicite maswi akuyumya bantu kuno, twamusenga ayi mwaambe.”

Joni 11:25

Lyalo Jesu wakamwaambila ayi, “Ndime mbusha bantu kuswa kubafu alimwi ndime mpa buumi. Aboobo uyo woonse ushoma muli ndime ulaakuba abuumi nabi wafwa.

Luka 18:18

Mutanjilili wa baJuda umwi wakeepusha Jesu ayi, “NoBafundishi babotu, ino ndyeelete kucita buyani kwaamba ayi nkabe abuumi butamaani?”

Luka 7:2

Kwakalinga mutanjilili umwi wa bashilumamba mwaanda wakalinga kucite musebenshi ngwaakalinga kusuni abuumbi. Uyo musebenshi wakalinga kuciswa cakufwa.

Mateyo 28:17

Ono ndibakamubona, bakamulambila. Sombi bamwi bakalinga kutonsha.

Mateyo 17:14

Ono ndibakashika kwakalinga bantu baanji, umwi muntu wakaya mukufukama kunembo lyakwe Jesu akwaamba ayi,

Mateyo 15:25

Lyalo mwanakashi wakesa mukufukama kunembo lyakwe akwaamba ayi, “Nkambo, amuncaafwe!”

Mateyo 14:33

Lyalo bashikwiiya boonse bakalinga mubwaato bakamulambila akwaamba ayi, “Ncakwiila muli bana bakwe Lesa!”

Mateyo 20:20

Mpomunyaawo muka Sebedi, abana bakwe basankwa bobilo, wakaya kuli Jesu, wafukama kunembo lyakwe ayi asenge cimwi cintu.

Mateyo 8:25

Lyalo bashikwiiya bakwe bakamubusha akumwaambila ayi, “Amutupulushe Nkambo. Twafwa!”

Mateyo 9:17

Mbweeke ubo taaku muntu weenga wabika waini upya munkomwe sha shipaya shikulukulu. Mukwiinga nkomwe shilapasuka awalo waini ulatika ankomwe shilanyonyooka. Anu waini upya ulalongelwa munkomwe sha shipaya shipya, aboobo shoonse shobilo shilasungwa kabotu.”

Mateyo 9:19

Lyalo Jesu wakanyamuka, abashikwiiya bakwe bakamukonkela.

Milimo ya Batumwi 28:8

Baishi Pabulyasi bakalinga kulete ceebo bakalinga balwashi cimpwita alimwi acinkumbe. Mpeeke Paulo wakaya muŋanda mobakalinga, wakapaila alimwi akubika maansaakwe pali mbabo, lyalo bakaba kabotu.