Mateyo 7:2 - Baibo Busansulushi Bwa Libuku Ili

² Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Mateyo 7:2 Referans Kwoze

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Maako 4:24

Wakabaambila alimwi ayi, “Amucenjele, mutabecekwi! Milawo njemusebensesha pakoombolosha bamwi alakwe Lesa njeshi akasebenseshe pali ndimwe, lyalo akwiindaawo.

Luka 6:38

Amupe babyaanu shintu nshibatacite, Lesa alakwe ndyeshi akamupe nshemutacite. Lesa ulaakumupa mucipimo cibotu cishindailitwe kashisempooka. Cipimo ncemupiminaamo bamwi alakwe Lesa nceshi akamupimineemo.”

Obadiya 1:15

“Bushiku buli pafwaafwi ubo nebo neMwaami Lesa, mbweshi nkoomboloshe mishobo yoonse. Sheenka nshemwakacita kubamwi nobene Edomu, ntoomulwiita ayi shilaakucitika akuli ndimwe. Micito yanu ibiibi ilaakumuboolela.

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.

2 Bene Kolinto 9:6

Amwiibaluke kwaamba ayi uyo ushanga shiniini, ulatebula shiniini, sombi uyo ushanga shiinji, ulatebula shiinji.

Boomboloshi 1:7

Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.

Jelemiya 51:24

Mwaami Lesa waamba ayi, “Ndaakuboosha cishole kucishi ca Babiloni abantu ba ncico mumeenso anu ceebo cakubisha nkobakacita muJelusalemu.

1 Samwelo 15:33

Sombi Samwelo wakaamba ayi, “Ono bweenka mupeeni wako mbowakalengesha balutundu bamwi kufwitwa baana, mbweeke ubo banyoko mbweshi bafwitwe mwaana pakati ka balutundunyinaabo.” Lyalo Samwelo wakatimboolatimboola Agagi kunembo lya cipaililo ca Mwaami Lesa kuGilugala.

Kulumbaisha 109:17

Wakalinga mukondwa mashingo, ono alakwe ashinganwe. Taakalinga kusuni kupa coolwe, ono alakwe acimweendele palaamfu.

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Jelemiya 34:17

Paceebo ceeco nebo neMwaami Lesa ntokwaamba ayi, “Mwebo tamukwe kunyumfwila maswi angu pakukaka kwaangulula bakwabanu baEbulu. Aboobo ntoomwaangulula ayi mukafwe kunkondo, mwaalu alimwi akunsala. Ndaakumulengesha kulensha bunya kubwaami boonse bwa pacishi ca panshi.

Mateyo 6:14

“Ceebo na mwalekelela bamwi shibiibi shabo, alakwe Ishiwanu uli kwiculu ulaakumulekelela amwebo.

Kulonga 21:24

liinso paliinso, liino paliino, lyaansa palyaansa, ncimpanta pacimpanta.

Boomboloshi 5:27

Sisela wakafukama akuwa. Wakawita kumyeendo ya mwanakashi uyo. Ee kumyeendo yakwe wakafukama akuwa. Peenka apo wakatuntumana watula moyo.

2 Samwelo 21:5

Lyalo bakakumbula mwaami Defedi ayi, “Saulo wakalinga kuyanda kutucaya soonse cakutashiyaawo nabi womwi pakati kesu muno mucishi ca Isilaeli.