Mateyo 5:33 - Baibo Busansulushi Bwa Libuku Ili

³³ “Mwakanyumfwa alimwi mbobakaambilwa bakulukulu ayi, ‘Utalumbili cakubeca, sombi ucite kweelana ambowalumbila kuMwaami Lesa, Lesa wako.’

Mateyo 5:33 Referans Kwoze

Dutolonomi 23:21

“Na mwashomesha cakulumbila Mwaami Lesa, Lesa wanu cintu cimwi, kuteelesha kucelwa kucita kweelana ambomwashomesha. Mukwiinga Mwaami Lesa ulaakunoolangila, aboobo na mwabula kucicita, mulaakupekwa mulandu.

Bene Lefi 19:12

Mutanoolumbila muliina lyangu na ulishi ayi teshi ukacite cintu ico, ceebo na wacita boobo, nkucobola liina lyangu. Nebo ndime Mwaami Lesa wanu.

Dutolonomi 23:23

sombi na mwasunabo kushomesha cakulumbila nobeene, mulyeelete kucita kweelana akushomesha kwanu.

Kulumbaisha 76:11

Amupe Mwaami Lesa, Lesa wanu isho nshemwakamushomesha cakulumbila. Mishobo ishingulukite ailete shipo kuwooyo weelete kuloondwa.

Dutolonomi 5:11

“ ‘Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Kulumbaisha 50:14

Amubenge milambu yakulumba kuli Lesa. Amupe shoonse nshemwakashomesha cakulumbila kuli Lesa wa kwiculu Wiindaawo.

Naamu 1:15

Amubone, shinkombe utoosa kucilingana tulundu ee, shinkombe utooleta makani abotu, utokwaambilisha shaluumuno! Mwebo nobene Juda kamuba anshiiku shanu shakusekelela akucita kweelana ambomwakashomesha cakulumbila. Bamucita shibi teshi bakamulwaneewo tubili ceebo balaakunyonyoolwa cakumaninina.

Mateyo 5:27

“Mwakanyumfwaawo bakulukulu mbobakalwiitikwa ayi, ‘Utaciti bulale.’

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Mateyo 5:21

“Mwakanyumfwaawo bakulukulu mbobakalwiitikwa ayi, ‘Utacayi, mukwiinga uyo woonse ucaya mubye ulyeelete koomboloshekwa.’

1 Timoti 1:10

beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.