Mateyo 5:29 - Baibo Busansulushi Bwa Libuku Ili

²⁹ Ono na liinso lyako lyakululyo lyakulengesha ayi ubishe, ncibotu kulilobolaamo akulisowa. Mukwiinga ncibotu kusowekelwa cipansha ca mubili, kwiinda kwaamba ayi mubili woonse ukawaalwe mumulilo utamaani.

Mateyo 5:29 Referans Kwoze

Bene Loma 8:13

Ceebo na kamwikala kweelana abuyanda mibili yanu mulaakufwa. Sombi na kwiinda muMushimu Usalashi mwacilekela limwi shoonse shibiibi nshemucita, mulaakuba abuumi butamaani.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

1 Bene Kolinto 9:27

Nebo ndashibisha mubili wangu akuukoma. Ndacita boobo mukwiinga nshisuni kwaamba ayi ndaakumana kushimikila bamwi Makani Abotu nebo nkabule kutambula cilambu.

Bene Loma 6:6

Tulishi kwaamba ayi buumi bwesu bukulukulu bwakaloba Jesu ndyaakapopwa pamucilingano kwaamba ayi Lesa anyonyoole buumi bwesu bwakusuna kubisha kwaamba ayi tutabi lyobilo basha ba bubi.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Maako 8:36

Ino mbubotunshi buliimo na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo!

Mateyo 19:12

Mukwiinga nkobali bantu batakoonshi kweeba mukwiinga mbobakashalwa. Nkobali abamwi batakoonshi kweeba ceebo bakacitwa boobo abantu. Nkobali bamwi alimwi abo bakakaka kweeba kwaamba ayi basebensele kabotu Lesa. Uyo weenga wacikonsha kukonkela kwiisha uku, akonkele.”

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 23:15

“Mapensho kuli ndimwe nobafundishi ba Milawo abaFalisi, mwebo nobantu nomwaamba nshemutaciti! Muleenda nyendo shakusubuka lweenge ashishi kwaamba ayi mukasandule muntu womwi. Na wasanduka, ulaba muntu weelete mumulilo utamaani kwiinda ndimwe nobeene.

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Mateyo 23:33

Mwebo nobana bansoka, nobana bampili! Ino mulaakuyuba buyani mulilo utamaani?

Luka 12:5

Ono ntoomutondesha wooyo ngomweelete kuloonda. Amuloonde Lesa uyo weenga amana kucaya mubili ulicite nkusu shakuuwaala mumulilo utamaani. Ee, ntoomwaambila ayi amumuloonde.

Mateyo 5:30

Na lyaansa lyako lyalulyo lyakulengesha ayi ubishe, ncibotu kulitimbulaako akulisowa. Mukwiinga ncibotu kusowekelwa cipansha ca mubili, kwiinda kwaamba ayi mubili woonse ukawaalwe mumulilo utamaani.

Mateyo 11:6

Ulicite coolwe muntu uyo utatonshi muli ndime.”

Mateyo 17:27

Ono kwaamba ayi tutabakalashi basonkeshi aba, koya kulweenge ukalobe. Inswi njeshi utaangune kuloba, wiicenamune mukanwa. Utoocanamo maali akwana musonko wangu awaako, utole uye ukasonke.”

Jobo 20:13

nabi kaatasuni kubushipa, kaabulamabo mumulomo wakwe,